Raj Thackeray News : इशारा राज ठाकरेंचा, हातोडा प्रशासनाचा, अभिनंदन फडणवीसांचं..

Mumbai News : मनसे अध्यक्ष राज ठाकरे (Raj Thackeray) यांनी गुढीपाडवा मेळाव्यात माहीममध्ये समुद्रामध्ये अनधिकृत दर्गा बांधले जात असल्याचा बांधले जात असल्याचे बोलून दाखवले होते. माहीममध्ये समुद्रात दर्गा उभारला जात असल्याता व्हिडीओ दाखवला होता. हा मुद्दा त्यांनी उपस्थितांच्या निदर्शनास आणून दिली.

राज ठाकरेंनी हा मुद्दा उचलल्यानंतर आता जिल्हाधिकाऱ्यांकडून संबधित बांधकामाची तातडीने चौकशी करण्यात येत आहे. यासाठी सहा जणांचे पथकही बनवण्यात आले आहे. माहीमच्या खाडीत हे पथक पोहचलं आहे. पाहणी केल्यानंतर आज हे अतिक्रमण हटवण्याचे काम सुरू होणार आहे.

हे अतिक्रमण हटवण्याचे काम सुरू झाल्यानंतर आता भाजपचे नेते व आमदार अतुल भातखळकर यांनी राज्याचे गृहमंत्री देवेंद्र फडणवीस यांचे आभार मानले आहे. भातखळकर यांनी ट्विट करत फडणवीसांचे आभार मानले. भातखळकर ट्वीटमध्ये म्हणतात, "माहीममधील मजारीच्या अनधिकृत बांधकामावर जलद कारवाई करत हातोडा मारणाऱ्या गृहमंत्री देवेंद्रजी व खऱ्या अर्थाने हिंदुत्ववादी शिंदे फडणवीस सरकारचे मनःपूर्वक अभिनंदन.."

गुढीपाडव्याच्या सभेत राज ठाकरे काय म्हणाले?

"गेल्या दोन-अडीच वर्षांपूर्वी सुरु झालेली गोष्ट मला महाराष्ट्र सरकारला सांगायची आणि दाखवायची आहे. मी मध्यंतरी असाच या भागात गेलो होतो. समोर पाहिलं तर मला समुद्रात लोकं दिसली. काय ते समजेना. मी एकाला सांगितलं की बघ रे काय ते. मग त्या माणसाने ड्रोन शूट करुन माझ्याकडे काही क्लिप्स आणल्या."

"प्रशासनाचे दुर्लक्ष असल्यावर काय घडू शकतं, या गोष्टीचे गैरफायदे कशाप्रकारे घेतले जातात, तुमचं लक्ष असलं पाहिजे कोणत्या गोष्टी होतायत, जो घटना मानणारा मुसलमान यांना विचारणार आहे जे मी दाखवणार आहे ते तुम्हाला मान्य आहे का. मी हे दाखवण्याआधी एकनाथ शिंदे आणि देवेंद्र फडणवीस, मुंबई मनपाचे आयुक्त, मुंबई पोलीस खात्याचे कमिश्नर विवेक फणसाळकर माझी सगळ्यांना विनंती आहे की, यावर जर समजा तुमची कारवाई होणार नसेल त्यानंतर महिनाभरानंतर काय होईल ते पाहिल्यावर मी सांगेल," असा इशाराच राज ठाकरेंनी दिला होता.