Rohit Pawar News : आमदार रोहित पवारांचे फेसबुक पेज हॅक; ट्विट करून दिली माहिती

Maharashtra Politics Latest News : राष्ट्रवादी काँग्रेसच्या शरद पवार गटाचे आमदार रोहित पवार यांचे फेसबुक अकाउंट हॅक करण्यात आले. रोहित पवारांनी ट्विट करून ही माहिती दिली. रोहित पवारांचे फेसबुक अकाउंट हॅक करून त्या ठिकाणी प्रोफाईल फोटोला सिया राजपूत नाव दिले आहे.

आपले फेसबुक अकाउंट हॅक झाल्याची माहिती रोहित पवार यांनी ट्विटर अकाउंटवरून दिली. गेल्या काही दिवसांपासून माझे सोशल मीडियावरील अकाऊंट हॅक होण्याचे प्रकार सुरू आहेत. आज माझं अधिकृत फेसबुक पेज हॅक झालं…या पेजवर चुकीचा मजकूर दिसून येत असून, कृपया याकडे दुर्लक्ष करावं, याबाबत रिकव्हरीसाठी प्रयत्न सुरू आहेत, अशी माहिती रोहित पवारांनी दिली.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

रोहित पवार हे सोशल मीडियावर कायम सक्रिय असतात. काही दिवसांपासून त्यांचे सोशल मीडिया अकाउंट हॅक होण्याचे प्रकार सुरू असल्याने त्यांनी ट्विटमधून संताप व्यक्त केला आहे. तसेच फेसबुक पेज रिकव्हरीचे प्रयत्न करण्यात येत असल्याचेही त्यांनी सांगितले. रोहित पवारांचे ट्विटरसह फेसबुकवर लाखोंच्या संख्येत फॉलोअर्स आहेत. फेसबुक पेजवर त्यांचे 5 लाखांहून अधिक फॉलोअर्स आहेत.

Edited by Sachin Fulpagare