Abdul Sattar On Saamana : शिवसेना मुखपत्र 'सामना'वर अब्दुल सत्तार थेट ठोकणार दावा; काय आहे प्रकरण?

Mumbai News : राज्याचे कृषिमंत्री आणि मुख्यमंत्री एकनाथ शिंदे (Eknath Shinde) यांच्या शिवसनेचे नेते अब्दुल सत्तार (Abdul Sattar) आता थेट शिवसेनेचं मुखपत्र असलेल्या सामना वृत्तपत्रावर (Saamana Editorial) अब्रु-नुकसामीचा दावा ठोकणार आहेत. सत्तार यांनी १५० कोटींचा अपहार केला, अशा आशयाच्या बातम्या छापल्या म्हणून, सत्तारांकडून ही नोटीस पाठवली जाणार आहे.

अब्दुल सत्तार म्हणाले, '१५० कोटींचा निविदा काढल्या, असं सामनात छापून आलं. यामध्ये आमचा सबंध नाही. याबाबत आरोप करणाऱ्यांनाच स्पष्टीकरण द्यावे लागेल. विरोधपक्ष नेते अंबादास दानवे यांनीही माझ्यावर आरोप केले होते. आरोप करताना त्यांनी सत्यता पडताळून घ्यावी."

अब्दुल सत्तार पुढे म्हणाले, "माझ्या विभागाकडून जी माहिती घेतली, विभाग आयुक्तांनी सांगितलं की, अशी कोणतीही निविदा काढलेली नाही. यात १५० कोटींचा घोटाळा झाला असा आरोप करतात, पण पुरावे नसताना विरोधीपक्ष नेत्यांनी अंबादास दानवेंनी आरोप करू नये. आता याबाबत कायदेशीर नोटीस पाठवणार आहे. आरोप करणारे काय उत्तर देतात, याच्यावर पुढील कार्यवाही होईल. "

अब्दुल सत्तारांवर काय आहेत आरोप?

कृषी उद्योग विकास महामंडळात १५० कोटींचा घोटाळा झाला असून, सेंद्रिय कीटकनाशकांच्या खरेदीसाठी काढलेल्या निविदेत हा घोटाळा झाल्याचे, ठाकरे गटाने आरोर केला होता. एकाच संचालकाकडे दोन संस्था सांभाळून निविदा दिल्याचा आरोप करण्यात आला होता.