महाजन यांच्या उपस्थितीत वैभव पिचड यांचा आमदारकीचा राजीनामा

नगर : आधीच घोषित केल्याप्रमाणे वैभव पिचड यांनी आज मुंबईत अकोले विधानसभा मतदारसंघाच्या सदस्यत्त्वपदाचा राजीनामा विधानसभा अध्यक्ष हरिभाऊ बागडे यांच्याकडे सुपूर्द केला. या वेळी भाजपचे जलसंपदामंत्री गिरीश महाजन उपस्थित होते.

अकोले येथे नुकत्याच झालेल्या मेळाव्यात पिचड यांनी भाजपमध्ये जाण्याचे जाहीर करून आमदारकीचा राजीनामा देणार असल्याचे स्पष्ट केले होते. त्यानुसार आज मुंबई येथे विधानसभा अध्यक्षांकडे हा राजीनामा सुपूर्द करण्यात आला. त्यामुळे आता त्यांच्या हाती लवकरच कमळ दिसणार आहे.