भंडारा : भंडारा-गोंदिया लोकसभा पोटनिवडणुकीच्या मतदानाला संथगतीने सुरूवात झाली आहे. या मतदारसंघातील जवळपास 100 मतदान केंद्रावर ईव्हीएम मशीन बंद पडल्याच्या तक्रारी प्रशासनाला मिळाल्या आहेत. या केंद्रावर नव्या मशीनचे व्यवस्था केली जात आहे.
भंडारा-गोंदिया लोकसभा पोटनिवडणुकीसाठी अपेक्षेप्रमाणे अत्यंत अल्प प्रतिसाद पहिल्या काही तासामध्ये मिळाला आहे. उन्ह व उन्हाळ्याच्या सुट्ट्यांमुळे मतदानाला बाहेर निघण्याचे प्रमाण कमी राहील, अशी भीती व्यक्त केली जात होती. ही भीती खरी निघण्याची शक्‍यता आहे. कॉंग्रेसचे नेते नाना पटोले यांनी ईव्हीएम मशीनच्या क्षमतेवर प्रश्‍नचिन्ह उभे केले होते. त्यानुसार या मतदारसंघातील जवळपास 100 मतदान केंद्रावरील ईव्हीएम मशीनमध्ये बिघाड झाला आहे. भंडारा जवळील कोकर्ला येथील मतदान केंद्रावर मशीन बिघडल्याने तेथील लोकांनी थेट जिल्हाधिकाऱ्यांना या गैरप्रकाराची माहिती दिली. जिल्हाधिकाऱ्यांनी तात्काळ दखल घेऊन दुसऱ्या मशीनची व्यवस्था करण्याचे निर्देश संबंधीत मतदान केंद्राधिकाऱ्यांना दिले.
अशाच तक्रार अनेक तालुक्‍यातून येत आहेत. कडक उन्हामुळे ईव्हीएम मशीन 'हॅंग' होत असल्याचा बचाव निवडणूक अधिकाऱ्यांनी केला आहे. परंतु या मशीन अधिक उष्णतामानात काम करणाऱ्या असतात, याबद्दल निवडणूक आयोगाकडून चाचणी घेतली जाते. या चाचणीचे मग काय झाले, असा सवाल कॉंग्रेसचे नेते व माजी खासदार नाना पटोले यांनी 'सरकारनामा'शी बोलताना केला आहे. कॉंग्रेसच्या कार्यकर्त्यांनी या बद्दलचे व्हीडीओ व फोटो काढले आहेत. मतदान केंद्रावरील ईव्हीएम मशीन बंद झाल्यानंतर पुन्हा मतदार मतदान केंद्राकडे फिरकत नसल्याचा आरोप काँग्रेसचे कार्यकर्ते रिकी पटोले यांनी केला आहे.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.