घराणेशाहीचे राजकारण बंद करा : नितीन गडकरी

आपल्या कुटुंबात उमेदवारी मिळावी, यासाठी आमदार, खासदारांचे प्रयत्न असते. भाजपच्या लोकप्रतिनिधींनी घराणेशाहीचे राजकारण बंद करावे. सामान्य नागरिकांच्या आग्रहाखातर लोकप्रतिनिधींच्या कुटुंबातील सदस्यांना उमेदवारी मिळेल. भाजपमध्ये घराणेशाहीला थारा नाही, असे सांगत केंद्रियमंत्री नितीन गडकरी यांनी लोकप्रतिनिधींचे कान टोचले.
घराणेशाहीचे राजकारण बंद करा : नितीन गडकरी

भंडारा : आपल्या कुटुंबात उमेदवारी मिळावी, यासाठी आमदार, खासदारांचे प्रयत्न असते. भाजपच्या लोकप्रतिनिधींनी घराणेशाहीचे राजकारण बंद करावे. सामान्य नागरिकांच्या आग्रहाखातर लोकप्रतिनिधींच्या कुटुंबातील सदस्यांना उमेदवारी मिळेल. भाजपमध्ये घराणेशाहीला थारा नाही, असे सांगत केंद्रियमंत्री नितीन गडकरी यांनी लोकप्रतिनिधींचे कान टोचले.
 
सेंदूरवाफा (साकोली) येथे गजानन महाराज मंदिराच्या पटांगणावर आज, शनिवारी 518.64 लाख रुपयांच्या कामांचे भूमिपूजन व लोकार्पण कार्यक्रम आयोजन केले होते. यात त्यांनी लोकप्रतिनिधींना खडसावून सांगितले. 

पक्षाचे काम करीत असलेल्या सामान्य कार्यकर्त्यांचा विचार आमदार, खासदार करीत नाही. केवळ आपल्या कुटुंबातीलच नव्हे नातेवाईक, चेलेचपाटे, चालक यांना उमेदवारी कशी मिळेल, यासाठीच प्रयत्न करतात. शामरावबापू कापगते, लक्ष्मणराव मानकर यांनी आपल्या कुटुंबातील सदस्यांना उमेदवारी मिळावी, यासाठी कधीच प्रयत्न केलेला नाही. तर, सामान्य नागरिकांच्या आग्रहाखातर त्यांना कुटुंबात उमेदवारी दिली. त्यांनी सत्ता नसतांना भाजप वाढीसाठी प्रयत्न केले. लोकप्रतिनिधींनी विकासाचे राजकारण करून सामान्य नागरिकांकडून उमेदवारीसाठी नाव समोर आले पाहिजे, याची खबरदारी घ्यावी, असे टोला त्यांनी लोकप्रतिनिधींना लगाविला. 

यावेळी बोलतांना पंतप्रधान नरेंद्र मोदी यांच्या घराणेशाही विरोधी मताला सहमत असल्याचे त्यांनी स्पष्ट केले. आगामी लोकसभा व विधानसभा निवडणुकीच्या पार्श्‍वभूमीवर गडकरींनी केलेले वक्तव्य कुणाला उद्देशून म्हणाले, हे मात्र गुलदस्तातच आहे. तरीही, गडकरींच्या या वक्तव्यामुळे चर्चेला उधाण आला आहे. कार्यक्रमाला मंचावर उपस्थित असलेले भंडारा व गोंदिया जिल्ह्यातील लोकप्रतिनिधी गडकरींच्या या वक्तव्याचा कितपत बोध घेतात, हे येणार काळच सांगेल. 
 

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com