देहूरोड : देहूरोड कॅन्टोन्मेंट मधील सरकारी जागांवरील अवैध बांधकामांकडे कॅन्टोन्मेंटचे दुर्लक्ष झाले असून अवैध बांधकामे रोखण्याच्या सर्वोच्य न्यायालयाच्या आदेशाचा भंग झाल्याची तक्रार शहर भाजपचे सोशल मीडिया अध्यक्ष सूर्यकांत सुर्वे यांनी पंतप्रधान व संरक्षण मंत्रालय कार्यालयांकडे केली आहे. याप्रकरणी मुख्य कार्यकारी अधिकाऱ्यांची सीबीआयमार्फत चौकशी करण्याची मागणीही सुर्वे यांनी केली आहे.
'कॅन्टोन्मेंट हद्दीतील लष्करी व कॅन्टोन्मेंटच्या जागांवर पुणे मुंबई महामार्गालगत सुमारे दहा हजार स्केअर फूट क्षेत्रावर अवैध बांधकाम सुरु आहे. सर्वोच्य न्यायालयाच्या निर्देशानुसार सरकारी जागेवर कोणतेही बांधकाम होऊ देऊ नये आणि तसे झाल्यास कॅन्टोन्मेंटचे अधिकारी जबाबदार असतील असे असतानाही त्याकडे प्रशासन दुर्लक्ष करीत आहे. याला मुख्य कार्यकारी अधिकारी जबाबदार असल्याने त्यांची पंतप्रधान कार्यालयाने सीबीआयमार्फत त्यांची चौकशी करावी. तसेच मनमानी कारभारामुळे त्यांची त्वरित बदली करावी.' अशी मागणी सुर्वे यांनी केली आहे.
दरम्यान बोर्ड अधिकृत सूत्रांच्या माहितीनुसार संबंधित बांधकामांना रीतसर नोटीस बजावली आहे. दरम्यान कॅन्टोन्मेंटच्या एकूण सात नगरसदस्यांपैकी चार सदस्य भाजपचे आहेत. एकंदरीत बोर्डावर सत्ता हि भाजपचीच आणि तालुक्याचे आमदार ही पक्षाचे असताना पदाधिकारी घरचा आहेर देत असल्याने सजग नागरिकांमध्ये आश्चर्य व्यक्त होत आहे. दरम्यान कॅन्टोन्मेंटचे मुख्य कार्यकारी अधिकारी अभिजित सानप यांच्या भ्रमणध्वनीवर संपर्क साधला असता आपण डायल केलेल्या नंबरची सेवा बंद असल्याचे सांगण्यात आले. कार्यालयीन अधीक्षक श्रीरंग सावंत यांना संपर्क साधला. मात्र, त्यांनी प्रतिक्रिया देण्यास असमर्थता व्यक्त केली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.