Pune Crime : ACP गायकवाड यांनी पत्नी-पुतण्याला घातल्या गोळ्या; स्वत:वरही गोळी झाडली..

Pune ACP News: पुण्यात सहाय्यक पोलिस आयुक्तांनी (ACP) पत्नी-पुतण्याला गोळ्या घालून आत्महत्या केल्याची माहिती समोर येत आहे.

अमरावती पोलिस दलातील (Amravati Police) सहाय्यक पोलिस आयुक्त भरत गायकवाड यांनी पत्नीचा आणि पुतण्याचा गोळी झाडून खून केला. त्यानंतर त्यांनी स्वत:ही आत्महत्या केली.

मोनी गायकवाड Moni Bharat Gaikwad (वय 44), पुतण्या दीपक गायकवाड (वय 35) अशी गोळी झाडून खून केलेल्या दोघांची नावे आहेत. पुण्यातील बाणेर परिसरात मध्यरात्रीच्या सुमारास ही घटना घडली असल्याचे पोलिसांनी सांगितले.

या घटनेने खळबळ उडाली आहे.या घटनेचे कारण अद्याप समोर आले नसून चतु:शृंगी पोलीस (Chathushringi Police Station) घटनास्थळी दाखल होत तपास सुरू केला आहे.

गायकवाड हे अमरावती येथे नेमणुकीस असल्याने सुट्टीच्या दिवशी पुण्यात येत होते. पती-पत्नी पुतण्या आणि दोन मुले असा परिवार बाणेर परिसरात वास्तव्यास होता.

गायकवाड हे शनिवारी रात्री ते पुण्यात आले होते. त्यानंतर रविवारी (ता. २३) राहत्या घरी त्यांनी पत्नी आणि पुतण्याचा गोळ्या झाडून खून केला. वरिष्ठ पोलीस निरीक्षक बालाजी पांढरे आणि इतर अधिकारी घटनास्थळी पोहचले आहेत.

Edited By : Mangesh Mahale