Pune News: 'डीआरडीओ'चे संचालक डॉ.प्रदीप कुरुलकर हे गेल्या काही दिवसांपासून तुरुंगात आहेत. हनीट्रॅपमध्ये अडकून पाकिस्तानला गोपनीय माहिती पुरवल्याचा गंभीर आरोप कुरुलकर यांच्यावर आहे. या प्रकरणी प्रदीप कुरुलकर यांना ४ मे रोजी 'एटीएस'ने अटक केली होती. तेव्हापासून ते तुरुंगात असून कुरुलकरांनी आता जामिनासाठी अर्ज दाखल केला आहे.
या अर्जावर ९ ऑगस्टला सुनावणी होणार असून त्याच दिवशी व्हाइट लेयर ॲनॅलिसिस चाचणीबाबत आदेश होण्याची शक्यता आहे. एटीएसने सर्व इलेक्ट्रॉनिक वस्तू देखील जप्त केलेल्या आहेत. डॉ.कुरुलकर तुरुंगातून बाहेर येऊन त्या डिव्हाइसमध्ये फेरफार करू शकत नाहीत, असे कुरुलकरांचे वकील अ‍ॅड.ऋषीकेश गानू यांनी दाखल केलेल्या जामीन अर्जात नमूद करण्यात आले आहे.
विशेष सरकारी वकील विजय फरगडे यांनी गानू यांनी दाखल केलेल्या जामीन अर्जावर म्हणणे दाखल करण्यासाठी वेळ मागितला आहे. डॉ.कुरुलकरांची पॉलिग्राफ चाचणी आणि व्हाइस लेयर अँनालिसिस चाचणी करण्यास परवानगी देण्याची मागणी एटीएसने न्यायालयात केली. पण एटीएसने मागणी केलेली पॉलिग्राफ आणि व्हाइस लेयर चाचणी करण्यास डॉ. कुरुलकरांनी नकार दिला आहे.
याबाबत बुधवारी न्यायालयात युक्तिवाद झाला. पॉलिग्राफ चाचणीसाठी आरोपीची परवानगी आवश्यक असते. पण व्हाइस लेयर चाचणीसाठी आरोपीची परवानगी गरजेची नसते. आरोपी तपासास सहकार्य करीत नसल्याने न्यायालयाने व्हाइस लेयर चाचणीसाठी परवानगी द्यावी, असा युक्तिवाद ॲड.फरगडे यांनी केला.
Edited By- Ganesh Thombare
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.