पुणे : होर्डिंगच्या मुद्यावर कॉंग्रेसने सर्वसाधारण सभेत भाजपच्या नेत्या आणि ग्रामविकास मंत्री पंकजा मुंडे यांच्यावर आरोप केले. मुंडे यांच्याशी संबंधित कंपनीने महापालिकेचे शुल्कच भराले नसल्याचे आरोप कॉंग्रेसचे गटनेते अरविंद शिंदे यांनी केला.
शहरातील अनधिकृत होर्डिंगवर कारवाई करताना कोणालाही पाठीशी न घालता कारवाई करा असे आव्हान कॉंग्रेस आणि राष्ट्रवादी कॉंग्रेसने प्रशासनाला दिले. याविषयावरील चर्चेत शिंदे यांनी ग्रामविकास मंत्री पंकजा मुंडे यांनी केलेल्या भाषणाचा संदर्भ देत मुंडे यांच्याशी संबंधित "सुप्रा' या कंपनीने महापालिकेला पंचवीस लाख रुपये किंमतीचे सॉफ्टवेअर दिले, पण त्याबदल्यात त्या कंपनीला अकरा ठिकाणी होर्डींग उभारण्याची परवानगी दिली गेली.
वाघिणीचे दुध पिणाऱ्या या नेत्यांनी दोन वर्षापासून या कंपनीने महापालिकेकडे शुल्क भरले नाही. कोट्यावधी रुपये थकविले आहेत. त्यांना बीओटी तत्वावर आणखी पाच ठिकाणी होर्डींग उभारण्यास परवानगी दिली. यामध्ये नियमापेक्षा अधिक आकाराचे होर्डींग उभारण्यास परवानगी दिली आहे, असा आरोप केला.
या कंपनीच्या होर्डिंगवर कारवाई केली जात नाही, यापुर्वीच्या आयुक्तांना पत्र देऊनही त्यांनी कारवाई केली नाही. प्रशासाने मंत्री, नगरसेवक यांच्या दबावाला बळी न पडता सर्वच अनधिकृत होर्डींगवर कारवाई करावी अशी मागणी केली. विरोधी पक्षनेते चेतन तुपे यांनी देखील सिक्‍स एलीमेंट ही कंपनी कोणाशी संबंधित आहे, या कंपनीबरोबर काय करार केला याची माहिती मागितली. सभागृहनेते श्रीनाथ भिमाले यांनी सुप्रा कंपनीकडे कोणतीही थकबाकी नसल्याचा दावा यावेळी करीत विरोधी पक्षाला उत्तर देण्याचा प्रयत्न केला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.