Pune News: पुणे रेल्वे स्थानकावर महात्मा गांधींजींच्या पुतळ्यांची विटंबना करण्याचा प्रयत्न केल्याची माहिती समोर येत आहे. याप्रकरणी पोलिसांनी एकाला ताब्यात घेतले आहे. सूरज शुक्ला असे त्या व्यक्तीचे नाव आहे.
त्याने रेल्वे स्टेशन परिसरात असलेल्या महात्मा गांधी यांच्या पुतळ्याचे मुंडके उडवण्याचा प्रयत्न केल्याची प्राथमिक माहिती आहे. हातात कोयता घेऊन तो पुतळ्याची विटंबना करण्याचा प्रयत्न करीत होता, असे प्रत्यक्षदर्शीनी सांगितले. पोलिस त्याची चौकशी करीत आहे.
रविवारी रात्री ही घटना घडली. सुरज शुक्ला यांनी पुणे रेल्वे स्थानक परिसरात गोंधळ घालण्यास सुरुवात केली, त्यानंतर तेथे असलेल्या महात्मा गांधी यांच्या पुतळ्या जवळ जाऊन पुतळ्याची विटंबना करण्याचा प्रयत्न केला. त्याचा हातात धारधार शस्त्र होते. पुतळ्याची विटंबना करण्यापूर्वी त्याला रेल्वे पोलिसांनी पकडले. पोलिस स्थानकात वरिष्ठ पोलिस अधिकारी त्याची कसून चौकशी करीत आहेत.
सुरज शुक्ला हा मुळचा वाराणसी येथील आहे. उत्तर प्रदेशातील कुंभमेळा संपल्यानंतर तो महाराष्ट्रात आला आहे. तो वाईवरुन पुण्यात आला होता. विविध ठिकाणी धार्मिक पुस्तके, रुद्राक्ष विकण्याचे काम तो करतो, अशी माहिती पोलिसांनी दिली. सुरज शुक्ला याच्याकडे काही पुस्तके सापडली आहेत. त्याने वाईमधून कोयता विकत घेतला होता, अशी माहिती पुणे पोलिसांनी दिली.
पुतळ्यांची विटंबना करण्याचा प्रयत्न झाल्यानंतर या पुतळ्याला पुणे काँग्रेसकडून दुग्धाभिषेक करण्यात आला. यावेळी अरविंद शिंदे, कमल व्यवहारे आदी उपस्थित होते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.