सातारा : सातारा जिल्ह्यातील २१ पोलिसांना कोरोनाची लागण झाली आहे. पोलिसांनाही कोरोनाची लागण होत असल्याने दररोज सर्व पोलिस कर्मचाऱ्यांच्या प्रकृतीचा आढावा कंट्रोल रूम व होम डिवायएसपी यांच्याकडून घेतला जातो. लॉकडाउन व नागरीकांच्या समस्या यांचा योग्य समन्वय साधून सर्वांना प्रोत्साहित करून कोरोनापासून दूर ठेवण्यासाठी सातारा जिल्हा पोलिस यंत्रणा झटत आहे, अशी
माहिती कोल्हापूर विभागाचे विशेष पोलिस महानिरिक्षक सुहास वारके यांनी दिली.
आयजी वारके यांनी आज साताऱ्यात येऊन गृहराज्यमंत्री शंभूराज देसाई यांची त्यांच्या निवासस्थानी भेट घेतली. यावेळी साताऱ्याच्या पोलिस अधीक्षक तेजस्वी सातपुते उपस्थित होत्या. लॉकडाउनचा पहिला टप्पा उद्या (बुधवारी) संपत आहे. या पार्श्वभूमीवर आम्ही आढावा घेण्यासाठी ही बैठक घेत असल्याचे यावेळी मंत्री देसाई यांनी सांगितले.
यावेळी पत्रकारांशी बोलताना वारके म्हणाले, कोविडच्या अनुषंगाने शक्य तितका कोविडचा प्रसार थांबविण्यासाठी पोलिस यंत्रणा योगदान देत आहे. जिल्हा प्रशासनाने लॉकडाउनचा निर्णय घेतला आहे. त्यानुसार लॉकडाउन व नागरीकांच्या समस्या यांचा योग्य समन्वय साधून सर्वांना प्रोत्साहित करून कोरोनावर मात करण्यासाठी मदत करण्यासाठी सातारा पोलिस दलातर्फे प्रयत्न सुरू आहेत.
पोलिसांना कोरोनाची लागण होत असल्याने दररोज पोलिस कर्मचाऱ्यांच्या प्रकृतीचा आढावा पोलिस कंट्रोल रूम व होम डिवायएसपी यांच्याकडून घेतला जातो. सातारा जिल्ह्यातील २१ पोलिसांना कोरोनाची लागण झाली असून त्यापैकी एक कर्मचारी पुणे येथे उपचार घेत आहे. कोविडचा प्रसार थांविबण्यासाठी सातारा जिल्ह्यात प्रशासनासोबत पोलिस ही योगदान देत आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.