`आरपीआय आठवले गटाचा रश्मी बागलांना पाठींबा'

करमाळा (सोलापूर) : पश्चिम महाराष्ट्र रिपब्लिकन पार्टी ऑफ इंडिया (आठवले गट)चे अध्यक्ष व कुर्डूवाडीचे माजी उपनगराध्यक्ष बापूसाहेब जगताप आणि विद्यमान नगरसेवक सुरजभैय्या जगताप यांनी त्यांच्या संपुर्ण कार्यकर्त्यांसह महायुतीच्या उमेदवार रश्मी बागल यांना जाहीर पाठींबा दिला असून, रश्मी बागल यांना विजयी करण्यासाठी प्रयत्न करणार असल्याचे सांगितले.
 
करमाळ्यातील आरपीआयचे पश्चिम महाराष्ट्र उपाध्यक्ष नागेशजी कांबळे, तालुकाध्यक्ष सतीश पवड, उपाध्यक्ष नितीन दामोदर, कार्याध्यक्ष युवराज ओहोळ यांनी देखील रश्मी बागल यांना पुर्ण पाठींबा देऊन महायुतीचा उमेदावर निवडूण आणण्याचा निर्धार केला.

शिवसेना-भाजपा यांच्या महायुतीमधील आरपीआय (आठवले गट) महत्त्वाचा घटक पक्ष आहे. महायुतीमधील सर्व पक्षांना मदत करण्याची भूमिका आरपीआयचे राष्ट्रीय अध्यक्ष व केंद्रीय सामाजिक न्याय राज्य मंत्री रामदास आठवले साहेबांनी घेतली आहे. त्यांच्या विचारांप्रमाणेच आणि आदेशाप्रमाणे शिवसेनेच्या उमेदवार रश्मी बागल यांना पाठींबा देत आहोत, असे करमाळा आणि कुर्डूवाडी येथील आरपीआयच्या पदाधिकाऱ्यांनी जाहीर केले आहे.

यावेळी तालुका सरचिटणीस नाना कांबळे, शहराध्यक्ष संतोष साळवे, प्रसेनजीत कांबळे, युवा तालुकाध्यक्ष यशपाल कांबळे, विजय वाघमारे, मातंग आघाडी तालुकाध्यक्ष महादू रणदिवे, बाळासाहेब लांडगे, अमोल नवले, युवा तालुका कार्याध्यक्ष सतीश भोसले, राहुल शिंदे, सुनील सोनवणे, विशाल भोसले, महावीर कांबळे, नंदू शिंदे, कालिदास पवार, अंकुश कांबळे यांच्यासह अनेक कार्यकर्ते उपस्थित होते.

महायुतीचा घटक पक्ष असल्याने महायुतीमधील प्रत्येक पक्षाच्या उमेदवाराला निवडूण आणण्याची जबाबदारी आपल्या सर्वांची आहे. करमाळा-माढ्यातून महायुतीच्या उमेदवार रश्मी दिदी बागल यांना निवडूण आणण्यासाठी आम्ही संपुर्ण ताकद लावणार आहोत.
- बापूसाहेब जगताप, माजी उपनगराध्यक्ष, कुर्डूवाडी

करमाळ्यातील आरपीआयच्या सर्व कार्यकर्त्यांशी बोलून महायुतीचा उमेदवार निवडूण आणायचा असा निर्धारच आम्ही केला आहे. पुढील काळात एकजुटीने काम केल्यास विजय निश्चित आपला आहे. 
    - नागेशजी काळे, उपाध्यक्ष पश्चिम महाराष्ट्र आरपीआय (आठवले गट)