आजचा वाढदिवस : प्रकाश गजभिये, आमदार विधान परिषद.

राष्ट्रवादी कॉंग्रेसचे तडफदार आमदार म्हणून प्रकाश गजभिये नागपूर शहरात प्रसिद्ध आहेत. रिपब्लिकन चळवळीतून गजभिये यांचे नेतृत्व समोर आले. रिपब्लिकन पक्षाचे नगरसेवक म्हणून त्यांचा 1992 मध्ये महापालिकेच्या राजकारणात प्रवेश झाल्यावर त्यांनी मागे वळून पाहिले नाही. महापालिकेत सलग तीनवेळा ते निवडून आले. या काळातच त्यांनी नागपूर विद्यापीठाच्या राजकारणातही प्रवेश केला व सिनेट सदस्य म्हणूनही काम केले. नागपुरात सर्वांत उंच अशा श्री गणेशाची प्रतिष्ठापना करणाऱ्या एकता गणेश मंडळाचे ते अध्यक्ष आहेत. रिपब्लिकन पक्षातून राष्ट्रवादी कॉंग्रेसमध्ये प्रवेश केल्यानंतर त्यांनी मागासवर्गीय सेलचे प्रदेश अध्यक्ष म्हणून काम पाहिले. त्यांची 2013 मध्ये विधान परिषदेमध्ये राष्ट्रवादी कॉंग्रेसकडून नियुक्ती झाली.