आजचा वाढदिवस : मुक्ता टिळक (आमदार भाजप)  

पुणे : आमदार मुक्ता शैलेश टिळक (Mukta Tilak) यांची राजकीय कारकीर्द २००२ मध्ये सुरु झाली. त्यांना भारतीय जनता पक्षाच्या (Bjp) वतीने पुणे महानगरपालिकेत नगरसेवक म्हणून काम करण्याची संधी मिळाली. त्या नंतर २००७, २०१४ व २०१७ असे सलग ४ वेळा पुणे महानगर पालिकेच्या निवडणुकीत विजयी झाल्या. (Today's Birthday: Mukta Tilak) 

हेही वाचा : Ips अधिकाऱ्यांच्या बदल्याचा घोळ मिटेना; तारीख पे तारीख

पुणे मनपाच्या शहर सुधारणा समिती, प्रभाग समिती अध्यक्ष स्थायी समिती सदस्य आणि पुणे मनपाच्या बायो डायव्हसिटी समिती सदस्य अशा विविध पातळ्यांवर काम केले. २०१७ मध्ये त्यांना पुणे महानगरपालिकेत भारतीय जनता पक्षाच्या पहिल्या महिला महापौर होण्याचा मान मिळाला. 

त्याच बरोबर २०१९ च्या विधानसभा निवडणुकीत पक्षाच्या वतीने कसबा मतदारसंघात आमदार म्हणून काम करण्याची संधी मिळाली. तसेच पक्ष संघटनेत शहर भारतीय जनता पक्षाच्या शहर उपाध्यक्ष, भाजपच्या पुणे शहर महिला आघाडीच्या उपाध्यक्षा, कोशाध्यक्षा व प्रदेश कार्यकारणी सदस्य इत्यादी पदांवर त्यांनी काम केले आहे. 

पुण्यात नाना वाडा येथे क्रांतिकारक संग्रहालय, सँनिटरी नँपकिन डिस्पोजल प्रकल्प, पुणे मनपा शाळेमध्ये अत्याधुनिक विज्ञान व संगणक प्रयोग शाळेची निर्मिती, प्रभागातील विविध उपक्रम जुन्या पोलिस चौक्यांचे नूतनीकरण, क्रिडामहर्षी हरिभाऊ साने वाहनतळाची निर्मिती, मध्यवस्तीत सुरळीतपणे वीजपुरवठा होण्यासाठी सबस्टेशन उभारणी साठी विशेष प्रयत्न त्यांनी केले. 

हेही वाचा : महाविकास आघाडीच्या काळात दलितांवरील अत्याचार वाढले

लोकमान्य टिळक विचार मंचया संस्थेच्या माध्यमातून लोकमान्य टिळकांचे विचार लोकांपर्यंत पोचवण्यासाठी विविध उपक्रमांचे आयोजन केले. लोकमान्याच्या विचारांचे महत्व विशद करणाऱ्या पुस्तकांची व दैनंदिनीची निर्मिती त्यांनी केली आहे. आमदार निधीतून पुण्यातील ५८ विविध शाळांना क्रिडा साहित्य पुरविणाऱ्या महाराष्ट्र राज्यातील पहिल्या आमदार ठरल्या आहेत. 

Edited By - Amol Jaybhaye