'गुन्हेगारांचे फोटो चालणार नाही', दादांच्या नाराजीनंतर बीड जिल्हाधिकाऱ्यांचे महत्त्वाचे आदेश | Beed

बीडचे जिल्हाधिकारी विवेक जॉन्सन यांनी कडक पावले उचलत महत्त्वाचा निर्णय घेतला आहे. दानेत्यांच्या वाढदिवसानिमित्त लावल्या जाणाऱ्या शुभेच्छा बॅनरवर तुरुंगातील किंवा गुन्हेगारी पार्श्वभूमी असलेल्या आरोपींचे फोटो लावले जात असल्यामुळे जिल्हाधिकाऱ्यांनी स्पष्ट आदेश काढलेत. या आदेशांनुसार, सार्वजनिक ठिकाणी लावल्या जाणाऱ्या कोणत्याही फलक किंवा बॅनरवर गुन्हेगारांचे फोटो नसावेत, गुन्हेगारीचे उदात्तीकरण करणारा मजकूर नसावा, तसेच मजकुराची आधी पडताळणी करावी लागेल. अनधिकृत बॅनर, शहराचे विद्रुपीकरण करणारे किंवा सार्वजनिक ठिकाणी अडथळा निर्माण करणारे फलक मिळाल्यास तात्काळ कारवाई केली जाणार आहे. तसेच बॅनर लावताना जातीय किंवा धार्मिक भावना दुखावल्या जाणार नाहीत, याचीही काळजी घेण्याचे निर्देश दिले आहेत.