प्रचारादरम्यान युवकांचा रोष; महापौरांच्या पतीने घेतला काढता पाय।Sanjay Kanchalvar। Chandrapur News।

चंद्रपूरच्या निवर्तमान महापौरांचे पती आणि भाजप उमेदवार संजय कंचर्लावार यांना प्रचारादरम्यान मतदारांनी घेराव घालून प्रश्नांची सरबत्ती केली. यामुळे उमेदवारांना तिथून काढता पाय घ्यावा लागला. या सर्व प्रसंगाचा व्हिडिओ समाजमाध्यमात चांगलाच व्हायरल होत आहे. भानापेठ प्रभागातून संजय कंचर्लावार भाजप उमेदवार आहेत. बगड खिडकी परिसरात ते पोचताच स्थानिक युवकांनी त्यांना घेराव घातला. 2017 पासून 2022 पर्यंत ते इथे नगरसेवक राहिले. मात्र तरीही या भागातील समस्या जैसे थे आहेत. त्यामुळे ते प्रचारासाठी इथे येताच स्थानिक युवकांनी त्यांना अडवले आणि जाब विचारला. युवकांचे हे उग्र रूप बघून संजय कंचर्लावार स्तब्ध राहिले. प्रचार करायला येता आणि निवडून गेल्यावर गायब होता, असे स्थानिकांचे म्हणणे होते. स्थानिकांचा हा रोष बघून शेवटी संजय कंचर्लावार आणि इतर उमेदवारांना तिथून काढता पाय घ्यावा लागला. यापूर्वी भाजपच्या एका महिला उमेदवाराला असेच परतवून लावण्यात आले होते.