एका बातमीने खळबळ, ८ नेत्यांना हटवणार? Kokate, Shirsat, Nitesh Rane Resignation

महाराष्ट्रात महायुती सरकारमधील आठ मंत्र्यांना हटवलं जाणार असल्याचा सनसनाटी दावा शिवसेनेच्या ‘सामना’ वृत्तपत्रातून करण्यात आला आहे. या वृत्तामुळे राज्याच्या राजकारणात मोठी खळबळ उडाली आहे. मुख्यमंत्री देवेंद्र फडणवीस यांनी आधीच काही वादग्रस्त मंत्र्यांबाबत नाराजी व्यक्त केल्याची माहिती समोर आली होती, आणि त्यानंतर सामनामधून करण्यात आलेला दावा म्हणजे सरकारमधील असंतोषाची अधिकृत कबुलीच मानली जात आहे. विशेष म्हणजे, याच पार्श्वभूमीवर विधानसभा अध्यक्ष राहुल नार्वेकर यांना मंत्रीपद मिळण्याची शक्यता आहे, तर नाराज सुधीर मुनगंटीवार यांना त्यांच्या जागी विधानसभा अध्यक्षपद दिले जाऊ शकते, अशी चर्चा राजकीय वर्तुळात आहे.