'आता माघार नाही' शिष्टमंडळ मुंबईत, Manoj Jarange सरकारवर संतापले । Jalna News

मनोज जरांगे पाटील यांचं मराठा आंदोलकांचं शिष्टमंडळ मुंबईकडे रवाना झालंय. मराठा समाजाच्या आरक्षणाच्या मागणीसह इतर मागण्यांसाठी 29 ऑगस्ट रोजी जरांगे मुंबईत आंदोलन सुरू करणार आहे. या आंदोलनाच्या पूर्व तयारीसाठी उद्या हे शिष्टमंडळ आझाद मैदानासह इतर मैदानाची पाहणी करणार आहे. दरम्यान मुंबईकडे शिष्ट मंडळ रवाना होण्याआधी जरांगे यांनी माध्यमांना प्रतिक्रिया दिली आहे. मुंबईत भूतो न भविष्यती असं आंदोलन होणार असून आमच्या मागण्या पूर्ण करा जोपर्यंत मागण्या पूर्ण होत नाही तोपर्यंत मुंबईतून माघारी फिरणार नाही असा ईशाइशारा जरांगे यांनी मुख्यमंत्री फडणवीस यांच्यासह दोन्हीही उपमुख्यमंत्र्यांना दिला आहे. मराठ्यांचा वाटेला जाऊ नका,आता अभ्यास ,गिभ्यास नाही, थेट आमच्या मागण्यांची अंमलबजावणी पाहिजे अशी मागणी जरांगे यांनी केली आहे.मराठ्यांच्या डोक्यावर आंदोलनाचा गुलाल टाकणार म्हणजे टाकणार असा दावाही जरांगे यांनी केलाय.