औरंगाबाद : बंडखोरीचे भूत उतरवण्यात सर्वच पक्षांच्या नेत्यांना यश मिळाले आहे. गंगापूर-खुल्ताबाद विधानसभा मतदारसंघातून राष्ट्रवादी कॉंग्रेसचे अधिकृत उमेदवार संतोष माने यांच्या विरोधात तालुकाध्यक्ष डॉ. ज्ञानेश्‍वर नीळ यांनी तर कॉंग्रेसचे किरण पाटील डोणगांवकर यांनी अपक्ष म्हणून केलेली बंडखोरी मागे घेतली आहे. बंडखोरांचे बंड थंड झाल्याने आता भाजपचे विद्यमान आमदार प्रशांत बंब विरुध्द राष्ट्रवादीचे संतोष माने यांच्यात थेट लढत होणार आहे.
गंगापूर विधानसभा मतदारसंघ भाजपला सोडण्यात आल्यामुळे नाराज झालेले शिवसेना इच्छूक उमेदवार संतोष माने यांनी आपले वडील माजी आमदार अण्णासाहेब माने यांच्यासह राष्ट्रवादी कॉंग्रेसमध्ये प्रवेश केला होता. राष्ट्रवादीने देखील राजकीय गणित मांडत संतोष माने यांना उमेदवारी जाहीर केली. त्याचा परिणाम राष्ट्रवादीकडून इच्छूक असलेले तालुकाध्यक्ष डॉ. ज्ञानेश्‍वर नीळ यांनी बंडखोरी करत उमेदवारी अर्ज दाखल केला होता.
गंगापूरची जागा कॉंग्रेसला सोडावी अशी मागणी केलेले किरणपाटील डोणगांवकर यांनी देखील अपक्ष उमेदवारी दाखल करत बंड पुकारले होते. दरम्यान, राष्ट्रवादी व कॉंग्रेसच्या नेत्यांनी या दोन्ही बंडखोरांचे मन वळविण्याचे प्रयत्न सुरू केले होते. अखेर शेवटच्या दिवशी त्याला यश आले, डॉ. नीळ आणि किरण पाटील डोणगांवकर यांनी दुपारी आपले उमेदवारी अर्ज मागे घेतले. त्यामुळे आता या मतदारसंघात विद्यमान भाजप आमदार प्रशांत बंब आणि राष्ट्रवादीचे संतोष माने यांच्यात थेट लढत होण्याचा मार्ग मोकळा झाला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.