Mahakumbh Latest News: उत्तर प्रदेशातील प्रयागराजमधील कुंभमेळ्यात चेंगराचेंगरी झाल्याची दुर्दैवी घटना घडली आहे. या चेंगराचेंगरीत शेकडो भाविक जखमी झाले आहेत. तर दहाहून अधिक जणांचा मृत्यू झाल्याची सुत्रांची माहिती आहे.
प्रयागराजमधील संगम किनाऱ्याजवळ रात्री 1 वाजण्याच्या सुमारास ही चेंगराचेंगरी झाली आहे. सर्व जखमींना तत्काळ रुग्णालयात दाखल करण्यात आलं आहे. तर मौनी अमावस्येनिमित्त प्रयागराजमध्ये (Prayagraj) झालेली गर्दी पाहता आखाडा परिषदेनं अमावस्येनिमित्त होणारं अमृतस्नान रद्द करण्याचा निर्णय घेतल्याची माहिती आहे.
दरम्यान, या दुर्घटनेनंतर पंतप्रधान नरेंद्र मोदी (Narendra Modi) यांनी उत्तर प्रदेशचे मुख्यमंत्री योगी आदित्यनाथ यांच्याशी संवाद साधत घटनेची माहिती घेतली आहे. तसंच जखमींना तत्काळ मदत करण्याचे निर्देश मोदींनी दिले आहेत.
तर मौनी अमावस्येला अमृतस्नान हा महाकुंभातील सर्वात महत्वाचा विधी मानला जातो. त्यामुळे देशासह परदेशातील अनेक भाविकांनी प्रयागराजमध्ये हजरे लावली आहे. मौनी अमावस्येनिमित्त आज कुंभमेळ्यात 10 कोटी भाविक येण्याचा यंदाज वर्तवला जात आहे.
आज महाकुंभमेळ्यातील मौनी अमावस्येचे मुख्य स्नान असल्यामुळे प्रयागराजमध्ये मोठ्या संख्येने भाविक दाखल झाले आहेत. मध्यरात्री एकच्या सुमारास संगम किनाऱ्यावर स्नान करण्यासाठी मोठ्या प्रमाणात भाविकांनी गर्दी केल्यामुळे चेंगराचेंगरी झाली. यावेळी घाबरून भाविक इकडे-तिकडे पळू लागले. काही लोकांचे सामान खाली पडल्यामुळे ते गोळा करण्याचा प्रयत्न करत असताना काहीजण खाली पडले. याचवेळी पोलिसांनी संगम किनाऱ्यावरील लोकांना घाटावरून बाजूला करण्याचा प्रयत्न केला असता लोकांनी इकडे तिकडे पळायला सुरूवात केली आणि परिस्थिती नियंत्रणाबाहेर गेल्याने मोठ्या प्रमाणात चेंगराचेंगरी झाली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.