Rahul Gandhi यांना बाँम्बनं उडवून देण्याची धमकी देणाऱ्या साठ वर्षीय व्यक्तीला मध्यप्रदेशातून अटक..

Rahul Gandhi threatened News : काँग्रेसचे माजी अध्यक्ष, माजी खासदार राहुल गांधी यांना धमकी देणाऱ्या साठ वर्षीय व्यक्तीला मध्यप्रदेशातून अटक करण्यात आली आहे.

राहुल गांधी यांना भारत जोडो यात्रेत जीवे मारण्याची धमकी त्याने दिली होती. दया सिंह उर्फे प्यारे सिंह असे अटक करण्यात आलेल्या व्यक्तीचे नाव आहे. गुन्हे शाखेनं ही कारवाई केली आहे.

दया सिंह उर्फे प्यारे सिंह हा बैतुल येथील राजेंद्रनगर येथील रहिवाशी आहे. त्याला उज्जैन येथून अटक करण्यात आली. एनएसए (NSA)अंतर्गत ही कारवाई करण्यात आली आहे. दया सिंह याच्याविरोधात अटक वारंट जारी करण्यात आले होते.

पोलीस उपायुक्त निमिष अग्रवाल म्हणाले, "गेल्या वर्षी नोव्हेंबर महिन्यात एका व्यक्तीनं मिठाईच्या दुकानात पत्र लिहून राहुल गांधींना धमकी दिली होती, इंदुरमध्ये बाँम्बस्फोट करुन त्यांना जीवे मारण्याची धमकी दिली होती,"

पोलिसांनी तेव्हा दया सिंह याला पकडले होते. मात्र तो जामीनावर बाहेर होता. त्यानंतर तो फरार झाला. त्याच्याविरोधात जिल्हाधिकाऱ्यांनी अटक वारंट जारी केले होते. बुधवारी त्याला पकडण्यात पोलिसांना यश आले.

मिठाईच्या दुकानात मिळालेल्या पत्रात शिखांच्या दंगलीचा उल्लेख करण्यात आला होता. धमकी देणाऱ्या व्यक्तीने काँग्रेस नेता कमलनाथ यांना मारण्याची धमकी दिली होती. "शिखांच्या दंगलीच्या विरोधात कुठल्याही पक्षाने आवाज उठवला नाही," असे त्या पत्रात म्हटलं होतं