Ahmedabad Air Plane Crash : विमान अपघातातील मृतांचा नेमका आकडा किती? 'ते' 24 डाॅक्टरही...

Air Plane Crash : अहमदाबादहून इंग्लंडसाठी उड्डान केलेल्या एअर इंडियाच्या विमानाला अपघात झाला. तब्बल 242 प्रवासी घेऊन जाणाऱ्या या विमानातील 241 जण जणांचा मृत्यू झाला तर एक जण बचावला. तर प्रवाशांसह क्रुमेंबर तसेच ज्या इमारतीवर विमान कोसळले तेथील शिकाऊ डाॅक्टर असा एकुण 24 जणांचा देखील या अपघातामध्ये मृत्यू झाला. त्यामुळे या अपघातामध्ये मृत्यू झालेल्यांची एकुण संख्या 265 इतकी आहे.

अपघात झालेल्या विमानामध्ये 169 भारतीय प्रवासी, 53 ब्रिटीश, पोर्तुगालचे 7 आणि कॅनडाचा एक नागरिक प्रवास करत होते. विमान ज्या मेघानीनगर परिसरातील सिव्हिल हाॅस्पिटल आणि बी जे मेडिकल काॅलेजच्या इमातीवर कोसळले त्यामध्ये पाच शिकाऊ डाॅक्टर आणि एका सुपरस्पेशालिस्ट डाॅक्टरच्या पत्नीचा मृत्यू झाल्याची माहिती आहे.या अपघातामध्ये 60 हून अधिक विद्यार्थी देखील जखमी झाले आहेत.

टाटाकडून मदतीची घोषणा

एअर इंडियाच्या विमान अपघातग्रस्त झाल्यानंतर टाटा समुहाकडून तातडीने मृत्यू झालेल्या कुटुंबीयांसाठी मदतीची घोषणा केली. मृत्यूमुखी पडलेल्या प्रत्येक व्यक्तिच्या परिवाराला एक कोटी टाटा समुहाकडून देण्यात येणार आहेत.

ब्लॅक बाॅक्स मिळाला

विमानाने उड्डान घेतल्यानंतर अवघ्या तीन मिनिटांमध्ये हा अपघात झाला. अपघात भीषण होतो. हाॅस्पिटलच्या मेसवर विमान कोसळल्याने शिकाऊ डाॅक्टारांचे देखील यामध्ये मृत्यू झाला. दरम्यान, हा अपघातन नेमका कशामुळे झाला याचे कारण विमानातील ब्लॅक बाॅक्समुळे कळणार आहे. शोधमोहिमेत प्रशासनाला ब्लॅक बाॅक्स सापडला आहे. त्यामधील माहितीच्या आधारे नेमका अपघात कशामुळे झाले हे समजणार आहे.

नागपूरमधील परिवाराचा मृत्यू

विमान दुर्घटनेत नागपूरच्या कामदार परिवारातील सदस्यांचा मृत्यू झाल्याचे समोर आले आहे. कामदार कुटुंबातील यशा कामदार, त्यांचा दीड वर्षाचा मुलगा रुद्र आणि सासू रक्षा मोढा यासुद्धा प्रवास करीत होत्या. त्यांचाही यात मृत्यू झाला आहे.