Ajit Pawar Plane Crash Death: विमान अपघातात अजितदादांना मृत्यू! मोदी, शाह यांचा फडणवीसांना फोन

Ajit Pawar Plane Crash Death: महाराष्ट्रातील राजकारणातून मोठी दु:खद घटना समोर येत आहे. राज्याचे उपमुख्यमंत्री अजित पवार यांचा विमान अपघातात मृत्यू झाला आहे. विमानातील एकूण पाच जण प्रवास करीत होते. या सर्वांचा मृत्यू झाला आहे.

पंतप्रधान नरेंद्र मोदी आणि गृहमंत्री अमित शाह यांनी मुख्यमंत्री देवेंद्र फडणवीस यांना फोन करुन या विमान अपघाताची माहिती घेतली आहे. नरेंद्र मोदी, अमित शाह यांनी त्यांना श्रद्धांजली वाहिली आहे. अजितदादांचे अकाली निधन धक्कादायक असल्याचे नरेंद्र मोदी यांनी म्हटले आहे.

महाराष्ट्रातील बारामती येथे झालेल्या दुर्दैवी विमान अपघातामुळे मी अत्यंत दुःखी आहे. या अपघातात आपल्या प्रियजनांना गमावलेल्या सर्वांच्या दुःखात मी सहभागी आहे. या दुःखाच्या क्षणी शोकाकुल कुटुंबांना शक्ती आणि धैर्य मिळो, ही प्रार्थना करतो, असे मोदी यांनी म्हटले आहे.

सुप्रिया सुळे यांनी व्हाटस्अँप स्टेटस् ठेवले आहे, सर्व उद्धवस्थ झाले असल्याचे सुप्रिया सुले यांनी म्हटले आहे. अजित पवार हे बीडचे पालकमंत्री होते. त्यांच्या निधनाने बीडची बाजार पेठ बंद ठेवण्यात आली आहे.

महाराष्ट्राचे उपमुख्यमंत्री अजित पवार जी यांच्या अपघाती निधनाचे वृत्त अतिशय धक्कादायक, दुर्दैवी आणि दुःखद आहे. त्यांना माझी भावपूर्ण श्रद्धांजली. गेली अनेक वर्षं राज्याच्या विधिमंडळात सोबत काम करताना अजितदादांशी अतिशय जवळचा संबंध राहिला आहे. त्यांचे प्रशासनिक कौशल्य, विकासात्मक दृष्टिकोन आणि लोकांना जोडण्याची हातोटी यांमुळे अजितदादांचे कायमच महाराष्ट्राच्या राजकारणात एक अढळ स्थान राहिले आहे. महाराष्ट्राच्या विकासाची आकांक्षा असलेल्या या लोकनेत्याचे अकाली निधन होणे, ही केवळ महाराष्ट्राचीच नव्हे, तर संपूर्ण देशाची कधीही भरून न निघणारी हानी आहे. या दुःखद प्रसंगी संपूर्ण पवार कुटुंबीयांसोबत माझ्या संवेदना आहेत. ईश्वर दिवंगत आत्म्यास शांती प्रदान करो. ॐ शांती, अशा शब्दात मंत्री नितीन गडकरी अजितदादांना श्रद्धांजली वाहिली आहे.

राष्ट्रवादीचे पाथरी विधानसभेचे आमदार तथा जिल्हाध्यक्ष राजेश विटेकर यांना अजित पवारांचा मृत्यूच्या बातमीने अश्रू अनावर झाले आहेत. परभणीच्या मानवत येथे प्रचारासाठी आले असताना सकाळी ही घटना कळल्यानंतर राजेश विटेकर यांना अश्रू अनावर झाले आहेत राजेश विटेकर हे अजित पवार यांची अत्यंत निकटवर्तीय आमदार आहेत. अजितदादांचे दुसरे निकटवर्तीय आमदार, माजी मंत्री धनंजय मुंडे यांना अश्रू अनावर झाले.

त्यांची देहबोली काल बरी वाटत नव्हती...

दादांचा मृत्यू मनाला न पटणारा आहे, जखमी आहे बरे होतील वाटले, संकटाला सामोरे जाणारा माणूस होता , हा मोठा धक्का आहे, असा नेता होता ज्याला पाहताना आदरयुक्त भीती वाटायची. खऱ्या अर्थाने दादा हा शब्द त्यांना लागू होता, अनेक राजकीय संकटात हा माणूस ठाम होता, काल त्यांची माझी भेट झाली त्यांची देहबोली काल बरी वाटत नव्हती, मी सहकार्यांना बोललो ही चेहऱ्यावर हावभाव नव्हते. नेहमी हसत खेळत बोलणारे दादा काल शांत होते, कालचे त्यांचे मौन कदाचित त्यांना जाणवत असेल., अशी भावना संजय शिरसाट यांनी व्यक्त केली.

आपत्ती व्यवस्थापन मंत्री गिरीश महाजन, महसूल मंत्री चंद्रशेखर बावनकुळे, वर्षा निवासस्थानी पोहोचले आहेत. मंत्री छगन भुजबळ मुंबईहून बारामतीला निघाले आहेत.