Ajit Pawar Plane Crash : धक्कादायक बातमी: अजित पवार यांचा विमान अपघातात मृत्यू

Ajit Pawar Death: राज्याचे उपमुख्यमंत्री अजित पवार यांच्या विमानाचा अपघात झाल्याची माहिती समोर येत आहे. विमानातील पाच जणांचा मृत्यू झाला आहे. यात अजित पवार यांचाही मृत्यू झाला आहे. लँडिंगच्या वेळेस हा अपघात झाला. विमान जळून खाक झाले आहे. मुंबईहून अजित पवार बारामतीत सभेसाठी येत होते.

बारामती तालुका पंचायत समिती व जिल्हा परिषदेच्या निवडणुकीच्या प्रचाराच्या सभेच्या निमित्ताने अजित पवार हे आज बारामतीत सभा घेणार होते.त्यासाठी विमानाने ते नेहमीप्रमाणे बारामतीला येत होते. बारामती विमानतळावर विमान उतरविण्याचा प्रयत्न अयशस्वी ठरल्याने हे विमान आदळल्याने त्या विमानाला आग लागली, असे प्रथमदर्शनी समजते आहे.

हा अपवाद नेमका कशामुळे झाला याची माहिती मिळत नाही, मात्र वैमानिकाला धावपट्टीचा अंदाज न आल्यामुळे हा अपघात झाला असावा असा अंदाज व्यक्त केला जात आहे.

या घटनेमुळे बारामती परिसरात खळबळ माजली असून बारामतीकरांनी अपघात ग्रस्त ठिकाणाकडे धाव घेतली आहे. राष्ट्रवादी काँग्रेसचे कार्यकर्ते मोठ्या संख्येने या ठिकाणी येत आहे. या घटनेने बारामतीकरांना कमालीसा धक्का बसला आहे.

मोदी, शाह यांचा फडणवीसांना फोन

अजित पवार यांचे सर्व कुटुंब दिल्लीतील निवासस्थानी होते .शरद पवार, सुनेत्रा पवार, सुप्रिया सुळे, पार्थ पवार हे बारामतीच्या दिशेने निघाले आहेत. पंतप्रधान नरेंद्र मोदी आणि गृहमंत्री अमित शाह .यांनी मुख्यमंत्री देवेंद्र फडणवीस यांना फोन करुन या विमान अपघाताची माहिती घेतली.