CR Kesavan Join BJP: काँग्रेसला पुन्हा मोठा झटका? राजगोपालाचारी यांचे पणतू सीआर केसवन यांचा भाजपमध्ये प्रवेश

BJP News : माजी काँग्रेस नेते आणि भारताचे पहिले गव्हर्नर जनरल सी राजगोपालाचारी यांचे पणतू सीआर केसवन यांनी भाजपमध्ये प्रवेश केला आहे. त्यामुळे काँग्रेसला मोठा धक्का बसला आहे.

दिल्लीमध्ये त्यांचा हा पक्षप्रवेश झाला आहे. सीआर केसवन यांनी महिनाभरापूर्वीच काँग्रेसला रामराम ठोकला होता. त्यानंतर ते पुढे काय भूमीका घेणार? याकडे सर्वांचेच लक्ष लागले होते.

नुकतेच काँग्रेसचे ज्येष्ठ नेते ए.के.ॲंटनी यांचे सुपुत्र अनिल ॲंटनी यांनी भारतीय जनता पक्षात (BJP) प्रवेश केला. त्यामुळे काँग्रेसला मोठा धक्का बसला होता. त्यानंतर आता सीआर केसवन यांच्या भाजप प्रवेशामुळे काँग्रेसला आणखी एक मोठा धक्का बसला आहे.

दरम्यान, काँग्रेसचा राजीनामा दिल्यानंतर सीआर केसवन म्हणाले की, ''पक्ष सोडल्यानंतर मी काँग्रेसवर काही बोलावे असे मला वाटत नाही. काँग्रेसमध्ये सुरू असलेले राजकारण मला पटले नाही. अशा स्थितीत पक्ष सोडणे योग्य होते, तेच मी आज केले''.

(Edited By Ganesh Thombare)