Election update : निवडणूक आयोगाला आश्चर्याचा धक्का; बिहारमध्ये मतदान सुरू असतानाच आयुक्तांना थेट दक्षिण आफ्रिकेतून फोन

थोडक्यात महत्वाचे :

1. बिहार विधानसभा निवडणुकीच्या पहिल्या टप्प्यात १८ जिल्ह्यांतील १२१ मतदारसंघांमध्ये मतदान सुरू असून मतदारांचा उत्साह पाहायला मिळत आहे.

2. मुख्य निवडणूक आयुक्त ज्ञानेश कुमार यांना दक्षिण आफ्रिकेच्या निवडणूक आयोगाचे अध्यक्ष मोसोथो मोएपिया यांनी फोन करून शुभेच्छा दिल्या.

3. मोएपिया यांनी भारतातील पारदर्शक आणि प्रभावशाली निवडणूक यंत्रणेचे कौतुक करत लवकरच दक्षिण आफ्रिकेतील खासदारांचा अभ्यास दौरा भारतात येणार असल्याचे सांगितले.

Bihar Election 2025 : बिहार विधानसभा निवडणुकीच्या पहिल्या टप्प्यातील मतदान गुरूवारी होत आहे. दुपारपर्यंत मतदारांचा मतदानाला उत्स्फुर्त प्रतिसाद मिळताना दिसत आहे. भारतीय निवडणूक आयोगाकडून याबाबत सोशल मीडियातून सातत्याने अपडेट दिली जात आहे. एकीकडे मतदानाची धामधूम सुरू असतानाच मुख्य निवडणूक आयुक्तांना थेट दक्षिण आफ्रिकेतून फोन आल्याचे समोर आले आहे.

मुख्य निवडणूक आयुक्त ज्ञानेश कुमार यांना दक्षिण आफ्रिकेतील निवडणूक आयोगाचे अध्यक्ष मोसोथो मोएपिया यांनी अचानक फोन केला. याबाबत भारतीय निवडणूक आयोगानेच सोशल मीडियातून ही माहिती दिली आहे. या फोनमुळे आश्चर्याचा सुखद धक्का बसल्याची माहिती आयोगाकडून देण्यात आली आहे.

मोसोथो मोएपिया यांनी बिहारमध्ये सुरू असलेल्लाय निवडणुकीसाठी शुभेच्छा दिल्याचे भारतीय निवडणूक आयोगाने सोशल मीडियातील पोस्टमध्ये म्हटले आहे. बिहारमध्ये सुमारे साडे सात कोटी मतदार आहेत. देशातील मोठ्या राज्यांपैकी बिहार हे एक राज्य आहे. राज्यात निवडणुकीआधीच मतदारयाद्यांची पुनर्पडताळणी झाली आहे. त्यानंतर ही निवडणूक होत आहे.

दक्षिण आफ्रिकेतील खासदारांचे एक शिष्टमंडळ लवकरच भारताचा दौरा करणार असल्याचे मोएपिया यांनी ज्ञानेश कुमार यांना सांगितले. भारतातील निवडणूक प्रक्रियेचा जवळून अभ्यास करण्यासाठी हा दौरा असेल. जगातील सर्वाधिक पारदर्शक आणि प्रभावशाली निवडणूक यंत्रणा म्हणून भारतातील निवडणूक प्रक्रियेकडे पाहिले जाते, असे आयोगाने पोस्टमध्ये म्हटले आहे.  

दरम्यान, बिहारमध्ये पहिल्या टप्प्यात 18 जिल्ह्यांतील 121 मतदारसंघात मतदान होत आहे. राष्ट्रीय जनता दलाचे नेते व इंडिया आघाडीचे मुख्यमंत्रिपदाचे उमेदवार तेजस्वी यादव यांच्या राघोपूर मतदारसंघातही आज मदान होत आहे. त्याचतप्रमाणे त्यांचे बंधू तेजप्रताप यादव यांचा महुआ आणि उपमुख्यमंत्री सम्राट चौधरी यांच्या तारापूर मतदारसंघातही मतदान सुरू आहे.  

वारंवार विचारले जाणारे प्रश्न (FAQ)

Q1: बिहारमध्ये किती मतदार आहेत?
A: सुमारे साडे सात कोटी मतदार आहेत.

Q2: दक्षिण आफ्रिकेच्या निवडणूक आयोगाकडून का फोन आला?
A: बिहार निवडणुकीसाठी शुभेच्छा देण्यासाठी आणि भारताच्या निवडणूक प्रक्रियेचा अभ्यास करण्यासाठी.

Q3: पहिल्या टप्प्यात किती मतदारसंघांत मतदान होत आहे?
A: 18 जिल्ह्यांतील 121 मतदारसंघांत मतदान सुरू आहे.

Q4: प्रमुख उमेदवार कोणत्या मतदारसंघातून लढत आहेत?
A: तेजस्वी यादव राघोपूर, तेजप्रताप यादव महुआ आणि उपमुख्यमंत्री सम्राट चौधरी तारापूर मतदारसंघातून लढत आहेत.