Ranjan Gogoi: अखेर माजी CJI रंजन गोगोई राज्यसभेतून निवृत्त! 6 वर्षात एकही विचारला नाही प्रश्न, एकदाच चर्चेत सहभाग

Ranjan Gogoi: माजी सरन्यायाधीश रंजन गोगोई हे अखेर राज्यसभेतून आज निवृत्त झाले. त्यांच्या सरन्यायाधिशपदाच्या काळात आणि नंतर राज्यसभेवर जाण्याच्या निर्णयामुळं ते वादाच्या भोवऱ्यात सापडले होते. पण राज्यसभेवर गेल्यानंतर त्यांनी तिथ काहीही केलं नाही, केवळ ६ वर्ष पद उपभोगलं आणि आता ते निवृत्त झाले आहेत. मग अशा व्यक्तीला राज्यसभेसारख्या वरिष्ठ सभागृहात भाजपनं का पाठवलं? असा सवाल आता उपस्थित केला जात आहे.

रंजन गोगोईंची कामगिरी कशी राहिली?

रंजन गोगोई हे सहा वर्षानंतरच्या कार्यकाळानंतर राज्यसभेतून आज निवृत्त झाले. पण या सहा वर्षांच्या कालावधीत त्यांची कामगिरी अत्यंत सुमार दर्जाची राहिली आहे. सभागृहात त्यांची ५३ टक्के इतकी हजेरी होती. दुसरीकडं इतर खासदारांच्या उपस्थिती या जवळपास ८० टक्क्यांपर्यंत होत्या. इतकंच नव्हे तर खासदार असताना रंजन गोगोई यांनी एकही प्रश्न सभागृहात विचारला नाही. तसंच एकही खासगी विधेयक त्यांनी मांडलं नाही. तर विविध विषयांवर आणि विधेयकांवर जेव्हा राज्यसभेत चर्चा सुरु असतात, त्या चर्चांमध्ये त्यांनी केवळ एकदाच सहभाग नोंदवला.