Mamata Banerjee: निवडणुकीपूर्वी ममतादीदींनी खेळलं बंगाली कार्ड; मुख्य सचिवपदी पहिल्यांदा महिला अधिकारी

कोलकाता: विधानसभा निवडणुकीपूर्वी पश्चिम बंगालच्या मुख्य सचिवपदी महिला सनदी अधिकारी विराजमान झाल्या आहे. पश्चिम बंगालच्या मुख्य सचिवपदी विराजमान होणाऱ्या त्या पहिल्या महिला आहेत.

1994च्या बँचच्या आयएएस अधिकारी असलेल्या नंदिनी चक्रवर्ती यांनी पदभार स्वीकारला आहे. या पदासाठी स्पर्धेतील आठ बड्या सनदी अधिकाऱ्यांना मागे टाकत नंदिनी यांनी या पदावर बाजी मारली आहे. राज्य प्रशासकीय विभागात यानिमित्ताने मोठा बदल होत असल्याचे चित्र आह

राज्याचे मुख्य सचिव मनोज पंत हे सेवानिवृत्त झाले आहेत. मनोज पंत यांना सरकारने सहा महिने मुदतवाद दिली होती. त्यांच्या जागी आता नंदिनी चक्रवर्ती यांची मुख्यमंत्री ममता बॅनर्जी यांनी नियुक्ती केली आहे. ममतादिदी यांच्या निकटवर्तीय म्हणून नंदिनी चक्रवर्ती यांची ओळख आहे. राज्यपाल सी.वी.आनंद बोस यांनी त्यांची नियुक्ती केली आहे.

2023 मध्ये त्यांनी राज्याच्या गृह विभागाच्या सचिव पदाची जबाबदारी सांभाळली आहे. नंदिनी चक्रवर्ती यांनी राज्यात अनेक मोठ्या पदावर काम केले आहे. गृह सचिव, राज्यपाल सीवी आनंद बोस यांच्या मुख्य सचिव, पर्यटन विभागाच्या मुख्य सचिव आदी पदावर नंदिनी चक्रवर्ती यांनी काम केले आहे. ममता बॅनर्जी यांच्यासोबत त्यांनी काम केले आहे.

1 जून 1969 रोजी जन्मलेल्या नंदिनी या मुळच्या पश्चिम बंगालच्या आहेत.त्यांनी भूगोल या विषयात एमए पदवी संपादन केली आहे. नंदिनी चक्रवर्ती या जाधवपुर यूनिवर्सिटीच्या विद्यार्थींनी आहेत. बंगालमध्ये भाषिक मुद्या चर्चेत असताना नंदिनी चक्रवर्ती यांची राज्याच्या मुख्य सचिवपदी नियुक्ती करुन ममता बॅनर्जी यांनी अनेक संकेत दिले आहेत. नंदिनी या सामान्यपणे नेहमीच बंगाली भाषेतच संभाषण करीत असतात. त्यांची या पदी नियुक्ती करुन ममतादिदींनी मोठा राजकीय डाव खेळल्याची चर्चा राजकीय वर्तुळात आहे.

राज्य सरकारने नंदिनी चक्रवर्ती यांच्या जागी जगदीश प्रसाद मीणा यांची नियुक्ती केली आहे. यंदा मार्च-एप्रिलमध्ये पश्चिम बंगालमध्ये विधानसभेची निवडणूक आहे. चौथ्यांदा सत्तेत येण्यासाठी तृणमूल काँग्रेस जोरदार प्रयत्न करीत आहे. नंदिनी चक्रवर्ती यांच्या माध्यमातून ममतादिदींनी बंगाली अस्मिता कार्ड खेळले आहे.