Independence Day 2025 : पंतप्रधान नरेंद्र मोदी यांनी आज भारताच्या 79 व्या स्वातंत्र्यदिनानिमित्त नवी दिल्लीतील लाल किल्ल्यावर तिरंगा फडकावला. यानंतर त्यांनी देशाला संबोधित करताना यंदाच्या दिवाळीत देशवासियांना मोठं गिफ्ट मिळणार असल्याचं सांगितलं.
लाल किल्ल्यावरील भाषणात बोलताना ते म्हणाले, यंदाच्या दिवाळीपर्यंत सरकार नेक्स्ट जनरेशन जीएसटी सुधारणा लागू करणार आहे. हे बदल देशवासियांसाठी एक मोठी भेट असेल आणि त्यामुळे यंदाची दिवाळी देशातील लोकांसाठी डबल दिवाळी असेल.s
गेल्या आठ वर्षात सरकारने जीएसटीमध्ये अनेक बदल केलेत, आता नेक्स्ट जनरेशनच्या जीएसटी सुधारणांची तयारी सुरू आहे. ज्यामुळे जीवनावश्यक वस्तूंवरचे कर मोठ्या प्रमाणावर कमी करण्यात येतील. यामुळे लघू उद्योगांना लाभ मिळेल. नवीन आयकर विधेयकातून 280 हून अधिक कलमे काढून कर प्रणाली सोपी करण्यात आली आहे.
त्यामुळे जीएसटी दरांमध्ये सुधारणा केल्याने व्यावसायिकांना मोठा दिलासा मिळेल, असं पंतप्रधान मोदींनी सांगितलं. तसंच यावेळी त्यांनी देशातील तरुणांसाठी आनंदाची बातमी दिली. त्यांनी आज 15 ऑगस्टपासून देशातील तरुणांसाठी 1 लाख कोटी रुपयांची पंतप्रधान विकसित भारत रोजगार योजना राबवली जाणार असल्याचं सांगितलं.
या योजनेअंतर्गत, खाजगी क्षेत्रात पहिली नोकरी मिळवणाऱ्या तरुणांना सरकारकडून 15 हजार रुपये दिले जातील, अशी घोषणा त्यांनी लाल किल्ल्यावरून केली. शिवाय तरुणांना स्वतःचे प्लॅटफॉर्म तयार करण्याचं आवाहन त्यांनी केलं.
आपण आत्मनिर्भर व्हायला हवं. मला तरुणांवर पूर्ण विश्वास आहे. गेल्या 11 वर्षांत उद्योजकतेला मोठी चालना मिळाली आहे. आज लाखो स्टार्टअप्स देशाला बळ देत आहेत, असंही मोदी आपल्या भाषणात म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.