India China Dispute : लडाख सीमेवरील भारताची २६ गस्त ठिकाणे चीन घेतली ताब्यात? काँग्रेसचा गंभीर आरोप!

National News : लडाखच्या सीमारेषेवरील (Ladakh Border) ६५ गस्त ठिकाणांपैकी तब्बल २६ गस्त ठिकाणे ही भारताने गमावली आहेत. या गस्तीच्या चिनी घुसखोरांनी ताबा मिळवला असून, या संबंधित २६ ठिकाणी भारतीय लष्कराला जाता येत नाही, अशी संवेदनशील माहिती लेह लडाखच्या वरिष्ठ पोलीस अधीक्षक यांच्याकडून देण्यात आली आहे, हा इतका गंभीर विषय असूनही, केंद्र सरकारकडून याबाबत कसलीही भूमिका घेण्यात आलेले नाही, असा गंभीर आरोप काँग्रेसकडून केंद्र सरकारवर करण्यात आला आहे. काँग्रेस प्रवक्ते खासदार मनिष तिवारी यांनी हे आरोप केले आहेत. (Latest Marathi News)

लडाखमधील चीनच्या घुसखोरीचं वास्तव परिस्थिती केंद्र सरकारकडून लपवून ठेवले जात आहे. यासंदर्भात आता श्वेतपत्रिका काढण्यात यावी, अशी मागणीही तिवारी यांनी केली आहे. ते पत्रकार परिषेदेत बोलत होते.

१५ व १६ जूनच्या रात्री चिनी सैनिकांविरोधात झालेल्या धुमश्चक्रित गलावान खोऱ्यात २० भारतीय जवान शहीद झाले, मात्र पंतप्रधान नरेंद्र मोदी यांनी १९ जून रोजी झालेल्या सर्वपक्षीय बैठकीतगलवान खोऱ्यात चीनने घुसखोरी केलीच नाही, असे म्हंटले होते. जर असे असेल, चीन घुसखोरी केलीच नसेल, तर मागीव तीन वर्षात भारताने चीनशी एकूण १८ वेळा चर्चा का केली? असा सवाल मनिष तिवारी यांनी केले आहे.

काँग्रेसचे केंद्र सरकारला सवाल -

*परराष्ट्रमंत्री एस जयशंकर १७ जून २०२० साली चीनने घुसखोरी केल्याचे मान्य केले होते, मग पंतप्रधान नरेंद्र मोदींनी याविरोधी वक्तव्य का केलं?

*देपसांग परिसरात २० ते २५ किलोमीटरचा परिसर हा बफर झोन करण्याची मागणी चीनने केली. यावर सरकारची भूमिका काय?

*इशान्येतील सीमाभागात चीन पायाभूत सुविधा उभी करत आहे. यावर सरकार काय करत आहे?

*संसदेत, स्थायी समिती, सल्लागार समितीमध्ये चीनच्या विषयावर चर्चा झाली का?

*प्रत्यक्ष ताबारेषेवर प्रश्न का उपस्थित केले जाऊ दिले जात नाहीत.

*भारत अमेरिका चर्चेत भारत कचुराई करत असल्याने चीनवर प्रखर भाष्य केले जात नाही, असे अमेरिकन मादी राजदूत केनेथ जस्टर यांनी केली होती. यावर केंद्राची भूमिका काय?