Karnataka Assembly Election Result 2023 : कर्नाटक विधानसभा निवडणुकांच्या निकालाचे कल येत आहेत. या ताज्या निकालाच्या कलानुसार कर्नाटक राज्यात काँग्रेस पक्षाने जोरदार पुनरागमन केले आहे. कर्नाटकच्या कानडी जनतेने भाजपला सपशेल नाकारले आहे. तर काँग्रेसला पुर्ण बहुमतात सरकार बनवण्याची संधी दिली आहे. ताज्या कलांनुसार काँग्रेसला स्पष्ट बहुमत मिळणार, हे आता स्पष्ट झाले आहे. (PM Narendra Modi News)
कर्नाटक निवडणुकीच्या प्रचाराबाबबत बोलायचे झाले तर, या निवडणुकीत सर्वच पक्षांच्या नेत्यांनी जनतेला आपल्या मुद्द्यांकडे आकर्षित करण्यासाठी अनेक रॅली आणि जाहीर सभा घेतल्या. जनतेला अनेक आश्वासने आणि दावेही केले. पंतप्रधान नरेंद्र मोदी, केंद्रीय गृहमंत्री अमित शहा, काँग्रेसचे माजी राष्ट्रीय अध्यक्ष राहुल गांधी आणि काँग्रेस सरचिटणीस प्रियांका गांधी यांच्या सभा आणि जाहीर सभा पार पडल्या. या नेत्यांनी कर्नाटकात विविध मतदारसंघात सभा घेतल्या.
भाजपच्या वतीने पंतप्रधान मोदी कर्नाटक निवडणुकीत सर्वाधिक सक्रिय राहिले. 29 एप्रिल ते 7 या दरम्यानच्या काळात मोदींनी सात दिवस प्रचार केला. पंतप्रधानांनी राज्यातील 31 पैकी 19 जिल्ह्यांमध्ये रॅली आणि रोड शो केले. मोदींनी या काळात 18 रॅली आणि सहा रोड शो केले. मोदींनी रोड शोद्वारे विधानसभेच्या 28 मतदारसंघ पिंजून काढले. म्हैसूर येथील प्रसिद्ध श्रीकांतेश्वर मंदिरात दर्शन घेऊन मोदींनी आपल्या निवडणूक प्रचाराची सांगता केली. गृहमंत्री अमित शहा यांनी 16 रॅली तर 20 रोड शो केले.
केंद्रीय गृहमंत्री अमित शहा यांनी पक्षासाठी पूर्ण ताकद लावली. शाह यांनी 21 एप्रिल ते 7 मे असे नऊ दिवस कर्नाटक राज्यात प्रचार केला. त्यांनी 31 पैकी 19 जिल्ह्यांमध्ये रॅली आणि रोड शो केले. ज्यामध्ये 16 रॅली आणि 20 रोड शो यांचा समावेश आहे.
पीएम मोदींनी बीदरच्या जागेवर भाजपच्या उमेदवाराचा प्रचार केला होता, पण मोदींच्या करिष्म्याचाही या जागेवर फारसा प्रभाव झालेला नाही. या जागेवरून काँग्रेस उमेदवार रहीम खान आघाडीवर आहेत. दुसरीकडे, विजापूरमधून भाजपचे यत्नल आघाडीवर आहेत. बेळगाव उत्तर विधानसभा मतदारसंघातून भाजपचे उमेदवार आघाडीवर आहेत. कोलार गोल्ड फिल्ड विधानसभा जागेवर काँग्रेसचे उमेदवार आघाडीवर आहेत. या सर्व जागांवर पंतप्रधान नरेंद्र मोदींनी प्रचार केले होते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.