Professor Recruitment : सरकारचा महत्त्वाचा निर्णय! तीन वर्षांसाठी नेमणार १०, ४१९ अतिथी प्राध्यापक; वेतनही ३० हजारांपर्यंत देणार

karnataka news : कर्नाटक राज्यातील सिद्धरामय्या सरकारने सरकारी महाविद्यालयांमधील प्राध्यापकांची कमतरता दूर करण्यासाठी महत्त्वाचा निर्णय घेतला आहे. उच्च शिक्षण खात्याने तीन वर्षांच्या कालावधीसाठी १०, ४१९ अतिथी प्राध्यापकांची नेमणूक करण्याचा निर्णय घेतला आहे. तर याची माहिती उच्च शिक्षणमंत्री डॉ. एम. सी. सुधाकर यांनी या दिली आहे.

सरकारने ११,१०० अतिथी प्राध्यापक नियुक्त करण्याची परवानगी दिली आहे. ऑनलाईन कौन्सिलिंगद्वारे १०,४१९ उमेदवारांची निवड केली आहे. या नेमणुका तात्पुरत्या कालावधीसाठी असून, त्या कायमस्वरूपी नाहीत, असे त्यांनी स्पष्ट केले. त्याचबरोबर, यूजीसीच्या निकषांची पूर्तता न करणाऱ्या ३,८५३ अतिथी प्राध्यापकांना ‘शिक्षण समन्वयक’ म्हणून नियुक्त करण्याचा निर्णय सरकारने घेतला आहे.

नव्याने नेमण्यात येणारी अतिथी प्राध्यापकपदे २०२६-२७ या शैक्षणिक वर्षापासून लागू केली जातील. त्यांच्यावर प्रयोगशाळेच्या कामात साहाय्य करणे आणि शैक्षणिक व गैर-शैक्षणिक उपक्रमांमध्ये सहकार्य करण्याची जबाबदारी सोपवली जाईल. हा निर्णय मानवतावादी दृष्टिकोनातून घेण्यात आला आहे.

तर अनुभवावर आधारित वेतन प्रणालीअंतर्गत वेतन दिले जाईल. ५ ते १० वर्षांचा अनुभव असलेल्यांसाठी २८ हजार रुपये, १० ते १५ वर्षांचा अनुभव असलेल्यांसाठी २९ हजार रुपये आणि १५ वर्षांपेक्षा जास्त अनुभव असलेल्यांसाठी ३० हजार रुपये वेतन निश्चित करण्यात आले आहेत. त्यांना वैद्यकीय विमा सुविधाही पुरवण्यात येईल, अशी माहिती मंत्री डॉ. एम. सी. सुधाकर यांनी दिली आहे.

FAQs :

1. कर्नाटक सरकारने किती प्राध्यापकांची भरती जाहीर केली आहे
एकूण 10,419 अतिथी प्राध्यापकांची भरती जाहीर करण्यात आली आहे

2. ही नियुक्ती किती कालावधीसाठी असेल
तीन वर्षांच्या कालावधीसाठी ही नियुक्ती असेल

3. हा निर्णय का घेण्यात आला आहे
महाविद्यालयांमधील प्राध्यापकांची कमतरता दूर करण्यासाठी हा निर्णय घेण्यात आला आहे

4. या निर्णयाची माहिती कोणी दिली
उच्च शिक्षणमंत्री डॉ. एम सी सुधाकर यांनी ही माहिती दिली

5. विद्यार्थ्यांना याचा काय फायदा होईल
शिक्षकांची संख्या वाढल्यामुळे शिक्षणाची गुणवत्ता सुधारण्यास मदत होईल