Gujarat Congress setback : बिहार विधानसभा निवडणुकीतील विजयानंतर पंतप्रधान नरेंद्र मोदी यांनी काँग्रेसमध्ये फूट पडणार असल्याचे विधान केले होते. मोदींचे हे भाकित लवकरच खरे ठरण्याची शक्यता आहे. विशेष म्हणजे त्याची सुरूवात मोदींच्या गुजरातमधूनच होण्याचे संकेत मिळत आहेत. त्यामुळे हा काँग्रेस आणि लोकसभेतील विरोधी पक्षनेते राहुल गांधी यांच्यासाठी मोठा धक्का असणार आहे.
राहुल गांधी यांनी संसदेत मोदींसमोर गुजरातमध्ये भाजपचा पराभव होणार असल्याचे भाकित काही महिन्यांपूर्वीच केले होते. त्यानंतर आता काँग्रेसमधील अंतर्गत कलह समोर आला आहे. गांधी कुटुंबाचे अत्यंत विश्वासू दिवंगत नेते अहमत पटेल यांचे पुत्र फैजल पटेल यांनीच पक्षाविरोधात रणशिंग फुंकले आहे.
पटेल यांनी सोशल मीडियात एक पोस्ट करून खळबळ उडवून दिली आहे. काँग्रेसमधून बाहेर पडत एक स्वतंत्र पक्ष स्थापन करण्याचे संकेत त्यांनी दिले आहे. त्यामुळे गुजरातमधील राजकारण चांगलेच तापू लागले आहे. त्यांनी पोस्टमध्ये म्हटले आहे की, माझी बहीण कदाचित माझ्यासोबत असेल. काँग्रेस पक्ष तोडून नवा गट स्थापन करण्याचा विचार करत आहे. त्याचे नाव काँग्रेस (AP) असेल.
फैजल यांच्या या पोस्टचा स्क्रीनशॉट सोशल मीडियात तुफान व्हायरल होत आहे. ही बातमी समोर आल्यानंतर फैजल यांच्या भगिनी मुमताज यांनी मात्र आपली भूमिका स्पष्ट केली आहे. भावाचे दावे यांनी खोडून काढले आहेत. त्यांनी सोशल मीडियात पोस्ट करून म्हटले आहे की, कोणताही नवा राजकीय पक्षामध्ये जाण्याचा किंवा एखाद्या नव्या ग्रुपचा भाग होण्याचा माझा कोणताही विचार नाही.
माझ्या भावाचे विचार आणि निर्णय पूर्णपणे त्यांचे आहेत. कृपया मला या विचारांशी जोडू नका, असेही मुमताज यांनी स्पष्ट केले आहे. दरम्यान, फैजल पटेल यांनी बिहार निवडणुकीतील काँग्रेसच्या पराभवानंतर थेट राहुल गांधी आणि प्रियांका गांधीनवर निशाणा साधला होता. त्यांनी या दोघांना ‘लॉस्ट गांधीज’ असे म्हटले आहे.
फैजल यांनी म्हटले आहे की, या दोघांचे निर्णय पक्षाला कमजोर करत आहेत. काँग्रेसचे नेतृत्व आता अशा लोकांकडे सोपवायला हवे, हे योग्यतेत २५ पटींनी चांगले आहेत. जसे शशी थरूर आणि इतर काही चेहरे, ज्यांच्यामध्ये संघटना जिवंत ठेवण्याची क्षमता आहे, असे थेट हल्ला फैजल यांनी चढविला होता.
विशेष म्हणजे मागील काही महिन्यांपासून शशी थरूर हेही पक्षापासून दूर गेल्याचे अनेकदा आढळून आले आहे. थरूर यांनी अनेक मोदींचे कौतुक केले आहे. तर फैजल यांनीही त्यांच्याच पावलावर पाऊल टाकत काही दिवसांपूर्वीच एका वृत्तवाहिनीशी बोलताना मोदींचे कौतुक केले होते. त्यामुळे काँग्रेसमधील मोठा गट नेतृत्वावर नाराज असल्याची चर्चा आता सुरू झाली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.