Manish Sisodiya Arrest : मोठी बातमी : कथित मद्य घोटाळ्याप्रकरणी दिल्लीचे उपमुख्यमंत्री मनीष सिसोदियांना अटक!

Manish Sisodiya Arrest : कथित मद्य घोट्याळ्यामध्ये 'आप'चे नेते व दिल्ली सरकारमधील उपमुख्यमंत्री मनीष सिसोदिया यांनी अटक झाली आहे. तब्बल आठ तासांच्या चौकशीनंतर सीबीआयने त्यांना अटक केली आहे. याप्रकरणामध्ये त्यांची या आधीही चौकशी झाली होती. आज त्यांच्यावर अटकेची कारवाई करण्यात आली. या कारवाईची कुणकुण सिसोदिया आणि आम आदमी पक्षाला याआधीच लागली होती. अखेर सीबाआयाने त्यांना अटक केली आहे.

सीबीआयने सिसोदिया यांची 8 तास चौकशी केली. त्यानंतर काही वेळातच सिसोदिया यांना अटक करण्यात आली. दिल्लीतील कथित मद्य घोटाळ्याप्रकरणी मनीष सिसोदिया यांची 8 तास चौकशी करण्यात आली. याआधीही सीबीआयने सिसोदिया यांची चौकशी केली होती. आज म्हणजेच रविवारी चौकशीपूर्वी मनीष सिसोदिया यांनी आपल्याला अटक होण्याची भीती व्यक्त केली होती. यासोबतच 7-8 महिने आतमध्ये जावे लागेल, अशी भीतीही सिसोदिया यांनी व्यक्त केली होती.

ज्या आम आदमी पक्षाने पारदर्शक कारभाराचे आश्वासन देवून, दिल्लीमध्ये सत्ता मिळवली. त्या पक्षाच्या नेत्यांना, उपमुख्यमंत्र्यांना भ्रष्टाचाराच्या आरोपात अटक होत आहे. दिल्ली सरकाराचं जे मद्य धोरण होतं, या धोरणात काही बदल करून ठराविक, विशिष्ट घटकाला फायदा मिळवून देण्याचा आरोप त्यांच्यावर ठेवण्यात आला आहे. हे सगळं प्रकरण आता पुढील काळात वेगवेगळे वळण घेण्याची शक्यता आहे.