Tamil Nadu BJP President : भाजप नेते नैनार नागेंद्रन तामिळनाडू भाजपचे १३ वे अध्यक्ष बनणार असल्याचे जवळपास निश्चित झाले आहे, याबाबत केवळ औपचारिक घोषणा होणे बाकी आहे. विशेष म्हणजे आधी ते AIADMK पक्षात होते. प्राप्त माहितीनुसार तामिळनाडूच्या प्रदेशाध्यक्ष पदासाठी त्यांचा एकमेव अर्ज दाखल झालेला आहे.
शिवाय, भाजप आणि AIADMKच्या युतीही झाली असल्याने आता त्यांचे भाजपचे नवीन प्रदेशाध्यक्ष होणे अतिशय महत्त्वाचे आहे. नागेंद्रन हे २०१७मध्ये भाजपमध्ये सहभागी झाले होते. अशीही माहिती समोर आली आहे की, भाजपचे माजी प्रदेशाध्यक्ष के. अन्नामलाई यांन नागेंद्रन यांच्या नावाचा प्रस्ताव दिला होता.
भाजपचे राष्ट्रीय सरचिटणीस तरूण चुघ यांनी तामिळनाडू भाजपचे मुख्यालय कमललयम येथे याबाबत घोषणा केली. त्यांनी सांगितले की. आम्हाला नैनार नागेंद्रन यांच्या नावाचा प्रस्ताव मिळाला आहे. हा प्रस्ताव अन्नामलाई, एल मुरुगन, राधाकृष्णन, एच राजा, वनथी श्रीनिवासन, वीपी दुरईसामी, कनागासबपती, वी बालागणपती, केपी रामलिंगम आणि नारायणन तिरुपती यांनी दिला आहे. याचाच अर्थ नैनार नागेंद्रन यांना प्रदेशाध्यक्ष बनवण्यासाठी या सर्व नेत्यांनी पाठिंबा दर्शवलेला आहे. त्यामुळेच त्यांची प्रदेशाध्यक्ष पदावरील निवड जवळपास निश्चित मानली जात आहे.
नैनार नागेंद्रन यांची राजकीय कारकिर्द बरीच मोठी आहे. त्यांनी २००१मध्ये पहिल्यांदा तिरुनेलवेली मतदारसंघातून AIADMKचे उमेदवार म्हणून निवडणूक जिंकली होती. ते जयललिता यांच्या नेतृत्वातील AIADMK सरकार(२००१-०६)मध्ये परिवहन, उद्योग आणि वीज यासारखे महत्त्वपूर्ण विभाग सांभाळले होते. यानंतर २०११मध्ये ते पुन्हा त्याच जागेवरून जिंकले, परंतु त्यांना मंत्री नाही बनवलं गेलं. २००६ आणि २०१६च्या विधानसभा निवडणुकीत ते काहीच मतांनी पराभूत झाले होते.
पुढे २०१६मध्ये जयललिता यांच्या निधनानंतर नागेंद्रन ऑगस्ट २०१७मध्ये भाजपमध्ये सहभागी झाले होते. २०२१मध्ये ते पुन्हा एकदा त्याच मतदारसंघातून भाजपचे उमेदवार बनले आणि विजयी झाले. यानंतर त्यांना तामिळनाडू विधानसभेत विधिमंडळाचा नेता बनवलं गेलं. नागेंद्रन यांनी २०१९ आणि २०२४च्या लोकसभा निवडणुकीतही नशीब आजमावले. त्यांनी रामनाथपुरम आणि तिरुनेलवेली मतदारसंघातून निवडणूक लढवली, परंतु ते जिंकू शकले नाही.
(२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप)
(Edited by - Mayur Ratnaparkhe)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.