New Delhi : एक देश एक निवडणूक विधेयक घटनाविरोधी असल्याची जोरदार टीका विरोधकांनी मंगळवार लोकसभेत केली. हे विधेयक संसदेत स्वीकारलेच जाऊ नये, अशी जोरदार मागणीही करण्यात आली. विरोधकांचा तीव्र विरोध पाहून लोकसभा अध्यक्ष ओम बिर्ला यांनी त्यावर मतदान घेतले. त्यामध्ये विधेयकाच्या बाजूने बहुमत आल्याने या विधेयकाचा संसदेतील मार्ग मोकळा झाला.
केंद्रीय कायदा मंत्री अर्जून राम मेघवाल यांनी मंगळवारी एक देश एक विधेयक लोकसभेत सादर करण्याचा प्रस्ताव मांडला. त्यावर विरोधकांनी जोरदार आक्षेप घेतला. या विधेयकामुळे घटनेतील अनेक तरतुदींचे उल्लंघन होत असल्याचा आरोप विरोधकांनी केला. मेघवाल यांनी या प्रस्तावाचे समर्थन करत हे विधेयक सादर करण्यासाठी लोकसभेत मंजुरी मागितली.
विरोधकांनी विधेयक लोकसभेत सादर करण्यासच विरोध केल्याने अध्यक्षांनी त्यावर मतदान घेतले. नवीन संसद भवनात पहिल्यांदाच मतदान झाल्याने काही तांत्रिक अडचणी निर्माण झाल्या. डिजिटल पध्दतीने झालेल्या मतदानात विधेयकाच्या बाजूने 269 तर विरोधात 149 मते पडली. पण विरोधकांनी त्यावर आक्षेप घेतल्यानंतर तांत्रिक अडचणी आलेल्या सदस्यांचे पुन्हा चिठ्ठीवर मतदान घेण्यात आले.
अध्यक्ष ओम बिर्ला यांनी मतदानाचा अंतिम निकाल जाहीर केला. त्यामध्ये विधेयकाच्या बाजूने २६९ तर विरोधात १९८ मते पडली. बहुमत प्रस्तावाच्या बाजूने असल्याचे ओम बिर्ला यांनी जाहीर केले. त्यानंतर मेघवाल यांनी एक देश एक निवडणूक हे विधेयक पुन्हा लोकसभेत स्वीकारण्यासाठी सादर केले. अध्यक्षांनी पुन्हा आवाजी मतदान घेतल्यानंतर विधेयकाचा संसदेतील मार्ग मोकळा झाला. आता संसदेत विधेयकावर सविस्तर चर्चा होईल.
दरम्यान, विरोधकांनी चर्चेदरम्यान ‘जेपीसी’चा मुद्दा उपस्थित होताच केंद्रीय गृहमंत्री अमित शाह यांनी यावर भाष्य केले. पंतप्रधान नरेंद्र मोदी यांनीच हे विधेयक जेपीसीकडे पाठवण्याबाबत इच्छा व्यक्त केल्याचे त्यांनी सांगितले. शाह म्हणाले, ‘विधेयक मत्रिमंडळात चर्चेला आले तेव्हा स्वत: पंतप्रधान नरेंद्र मोदींनी इच्छा व्यक्त केली होती की, ‘हे विधेयक जेपीसीकडे पाठवायला हवे. सर्व स्तरांवर विस्तृत चर्चा व्हायला हवी.’ मला वाटते, यावर जास्त वेळ वाया घालवण्यापेक्षा मंत्र्यांना वाटत असेल तरी हे विधेयक जेपीसीकडे पाठवायला ते तयार आहेत, तर जेपीसीवर सर्व चर्चा होईल.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.