Donald Trump Calls PM Modi : पंतप्रधान नरेंद्र मोदी यांच्या वाढदिवसानिमित्त त्यांना थेट अमेरिकेचे राष्ट्राध्यक्ष डोनाल्ड ट्रम्प यांनी फोनवरून शुभेच्छा दिल्या आहेत. याबाबतची माहिती खुद्द पंतप्रधान मोदी यांनी सोशल मीडियावर पोस्ट करत दिली आहे.
देशाचे पंतप्रधान नरेंद्र मोदी यांचा आज (ता.17) 75वा वाढदिवस आहे. यानिमित्त भारतीय जनता पक्षाकडून देशभरात विविध कार्यक्रमांचं आयोजन करण्यात आलं आहे. तर दुसरीकडे या वाढदिवसनिमित्त मोदींना देशासह जगभरातील दिग्गज नेत्यांकडून शुभेच्छा दिल्या जात आहेत.
अशातच मागील अनेक दिवसांपासून भारताला धमकी देणारे आणि भारतावर अव्वाच्या सव्वा टॅरिफ लादणारे अमेरिकेचे राष्ट्राध्यक्ष डोनाल्ड ट्रम्प यांनी देखील पंतप्रधान मोदींना वाढदिवसाच्या शुभेच्छा देण्यासाठी फोन केला आहे.
तर ट्रम्प यांनी शुभेच्छा दिल्याबद्दल पंतप्रधान मोदींनी त्यांचे आभार मानले. मोदींनी सोशल मीडियावर पोस्ट करताना लिहिलं की, 'थँक यू, माझ्या मित्रा. माझ्या 75व्या वाढदिवसानिमित्त तुम्ही फोनवरून हार्दिक शुभेच्छा दिल्याबद्दल तुमचे धन्यवाद. तुमच्याप्रमाणेच, मी देखील भारत-अमेरिका व्यापक आणि जागतिक भागीदारीला नवीन उंचीवर नेण्यासाठी पूर्णपणे वचनबद्ध आहे. युक्रेन संघर्षाच्या शांततापूर्ण निराकरणासाठी तुमच्या पुढाकाराला आम्ही पाठिंबा देतो.'
तर यावेळी दोन्ही नेत्यांनी भारत-अमेरिका व्यापार करार तसंच युक्रेनमधील परिस्थितीवर सकारात्मक चर्चा केल्याची माहिती आहे. शिवाय या फोनमुळे आता मागील अनेक दिवसांपासून अमेरिका आणि भारतामधील ताणलेले संबंध पुन्हा सुधारण्यास सुरूवात झाल्याचं पाहायला मिळत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.