Priyanka Gandhi News: मोठी बातमी! सस्पेन्स संपला,प्रियांका गांधींना वायनाडमधून उमेदवारी

Congress News : लोकसभा निवडणुकीत काँग्रेस नेते राहुल गांधींनी केरळच्या वायनाड आणि उत्तर प्रदेशमधील रायबरेली लोकसभा मतदारसंघातून विजय मिळवला होता. रायबरेलीतून राहुल यांना 3 लाख 90 हजारांचे तर वायनाडमध्ये 3 लाख 64 हजारांच्या मताधिक्य मिळाले आहे.

त्यावेळी त्यांनी रायबरेली ही गांधी घराण्याची पारंपारिक जागा निवडली आणि वायनाडची जागा सोडली. त्या जागेवरच आता काँग्रेसकडून पक्षाच्या राष्ट्रीय सरचिटणीस प्रियांका गांधी वाड्रा यांना उमेदवारी जाहीर केली आहे.

राहुल गांधी Rahul Gandhi 2019 मध्ये वायनाडमधून निवडून आले होते. यावेळी त्यांनी वायनाडसह रायबरेलीतूनही बाजी मारली. रायबरेलीतून राहुल यांना 3 लाख 90 हजारांचे तर वायनाडमध्ये 3 लाख 64 हजारांच्या मताधिक्य मिळाले आहे.

परिणामी दोन्हीपैकी कोणता मतदारसंघ निवडायचा याबाबत राहुल गांधींसह काँग्रेसपुढे भावनिक पेच निर्माण झाला होता. यातून मार्ग काढत खर्गे यांनी राहुल गांधी वायनाडमधून राजीनामा देणार असल्याचे जाहीर केले. तर त्या जागेवरून प्रियांका गांधी लढणार असल्याचीही घोषणा केली.

काँग्रेसचे माजी अध्यक्ष राहुल गांधी उत्तर प्रदेशातील रायबरेली आणि केरळच्या वायनाड लोकसभा मतदारसंघातून निवडून आले आहेत. आता त्यांना 14 दिवसांच्या आत एका जागेची निवड करणे बंधनकारक होते.

त्यानुसार राहुल गांधी आता केरळमधील वायनाड लोकसभा मतदारसंघातील आपल्या खासदारकीचा राजीनामा दिला होता. तर त्यांच्या रिक्त जागी वायनाडमधून प्रियांका गांधी लढणार असल्याचे काँग्रेस अध्यक्ष मल्लिकार्जुन खर्गे यांनी यापूर्वीच जाहीर केले होते.

काँग्रेस Congress नेत्यांनी विचारमंथन केल्यानंतर उत्तर प्रदेशातील रायबरेलीतून राहुल गांधींनी खासदार म्हणून काम करण्याचे ठरवले होते. रायबरेली आणि गांधी घराण्याचे जवळचे संबंध आहेत. तसेच हा मतदारसंघ जवळचा पडतो.

रायबरेलीतील लोकांचेही त्याला समर्थन आहे. तसेच वायनाडमधील लोकांनीही राहुल यांनी रायबरेलीतून खासदार राहण्याचा सल्ला दिला. त्यातूनच हा निर्णय घेणे सोपे झाल्याचेही खर्गेंनी स्पष्ट केले होते.