Rajasthan News : राजस्थानातील भजनलाल सरकारमधील अधिकाऱ्यांवर भाजपच्या महिला आमदार चांगल्याच संतापल्याचे पाहायला मिळाले. अधिकारी पैसे घेऊन कामे करत असल्याचे सांगत त्यांनी हे थांबले नाही तर मी त्यांना मारेन, अशी धमकीही दिली. कॅबिनेट मंत्र्यांसमोरच त्यांच्या भडका उडाल्याने चर्चांना उधाण आले आहे.
अजमेर येथे झालेल्या एका जनसुनावणीदरम्यान भाजप आमदार अनिता भदेल यांनी आपला संताप व्यक्त केला. यावेळी नगरविकास मंत्री झाबर सिंह खर्रा उपस्थित होते. भदेल म्हणाल्या, अधिकारी कोणत्याही चुकीशिवाय नागरिकांचे घर, गोदाम जप्त करत आहेत. हे थांबले नाही तर मीच त्यांना मारेन.
लोकांवर कारवाई करताना ना नोटीस दिली जात आहे ना कारवाईबाबत कोणता कागद दाखवला जातो. गॅस गोदामांच्या जप्तीमुळे 15 हजार ग्राहकांना त्रास होत आहे. सगळ्यांकडे वैध कागदपत्रे आहेत. पण उपायुक्तांसह कुणीही अधिकारी आमदारांचे फोनही उचलत नाही. फोन केला तर पीडितांकडे 50 हजारांची मागणी करत असल्याचा आरोपही भदेल यांनी केला.
आमदार भदेल यांनी यावेळी उपायुक्तांना मंत्र्यांनीच फोन करण्याची विनंती केली. त्यानंतर मंत्र्यांनी लगेच त्यांना फोनही लावला. पण त्यानंतरही उपायुक्तांनी फोन उचलला नाही. त्यानंतर मंत्री संतापले. त्यांनी आमदारांना आश्वासन दिले की, या प्रकरणाचा तपास करून संबंधितांवर कारवाई केली जाईल.
मंत्र्यांच्या कारवाईच्या आश्वासनानंतर लगेचच महापालिका आयुक्तांनी कारवाईही केली. संबंधित उपायुक्तांना हटवले नसले तरी त्यांच्या झोन तातडीने बदलण्यात आले आहेत. त्यामुळे या प्रकरणाची चर्चा संपूर्ण अजमेरमध्ये सुरू आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.