Ayodhya News : पंतप्रधान नरेंद्र मोदी यांचा काल (शनिवारी) अयोध्या दौरा होता. या दौऱ्यात त्यांनी पंतप्रधान उज्ज्वला योजनेच्या १० कोटींव्या लाभार्थी मीरा मांझी यांच्या घरी भेट दिली. हा दिवस मांझी कुटुंबियांसाठी खास ठरला. पंतप्रधान मोदींनी मांझी कुटुंबियांच्या भेटी दरम्यान त्यांच्या घरी बसून चहा प्यायला. मोदींच्या सूचनेनंतर मांझी दांपत्याला लगेचच आयुष्यमान कार्ड देण्यात आले. अयोध्येचे जिल्हाधिकारी नितीश कुमार यांनी मीरा यांच्या घरी जाऊन आयुष्यमान कार्ड दिले.
मीरा मांझी या उज्ज्वला योजनेच्या १० कोटीव्या लाभार्थी आहेत. त्यांना योगी सरकारने जनआरोग्य योजनेचा लाभ दिला आहे. मुख्यमंत्र्यांचे प्रधान सचिव संजय प्रसाद यांनी याबाबत माहिती दिली आहे. अयोध्या धाम जवळ असलेल्या लता मंगेशकर चौकाजवळील एका वस्तीत पंतप्रधान मोदी गेले होते. मीरा मांझी यांची त्यांनी भेट घेतली.
त्यावेळी मीरा म्हणाल्या, 'पंतप्रधान मोदी घरी येणार यांची माहिती आम्हाला अर्धा तासापूर्वी मिळाली. मोदी आल्यानंतर त्यांनी आम्हाला विचारले की तुम्ही काय केले आहे. मी त्यांना सांगितले की मी चहा बनवला आहे. मोदी यांनी आमच्यासोबत सहा प्यायला.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
केंद्रीय मंत्री स्मृती इराणी यांनी पंतप्रधान मोदींच्या मीरा मांझी यांच्या घरी जाण्याचा व्हिडिओ शेअर केला आहे. मीरा उज्ज्वला योजनेच्या १० कोटी लाभार्थी आहेत.
मीरा मांझी म्हणाल्या, 'मोदीजी आले, त्यांनी माझ्या घरच्यांशी बोलून उज्ज्वला योजनेत मिळणाऱ्या फायद्यांविषयी विचारणा केली. मग त्याने मला विचारले की मी काय जेवण केले आहे. मी म्हणालो, तांदूळ, डाळ आणि भाजी... आणि चहाही. त्यांनी मला चहा मागितला आणि थंडीत चहा द्यावा असे सांगितले.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.