NCP Crisis : 'शरद पवारांनी सर्व नियम पायदळी तुडवले'; अजितदादा गटाचा गंभीर आरोप

Delhi News: राष्ट्रवादी काँग्रेसमधील फुटीनंतर पक्ष चिन्हाच्या वादावर शुक्रवारी निवडणूक आयोगात पहिली सुनावणी झाली. त्यानंतर सोमवारी पुन्हा निवडणूक आयोगात सुनावणीला सुरुवात झाली आहे. अजित पवार गटाचे वकील ॲड. निरज किशन कौल हे युक्तिवाद करत आहेत.

या वेळी शरद पवार यांच्यावर गंभीर आरोप करण्यात आले आहेत. "शरद पवारांनी सर्व नियम पायदळी तुडवले असून, ते आपल्या घराप्रमाणे पक्ष चालवत होते", असा युक्तिवाद अजित पवार गटाकडून निवडणूक आयोगात कऱण्यात आला आहे.

"राष्ट्रवादी काँग्रेस पक्षात अंतर्गत लोकशाही नसून पक्षावर कोणताही एक व्यक्ती दावा करू शकत नाही, सध्या पक्षामध्ये अशीच परिस्थिती असून, पक्षावर कोणतीही व्यक्ती वर्चस्व गाजवू शकत नाही", असा युक्तिवाद अजित पवार गटाचे वकील ॲड. निरज किशन कौल यांनी केला आहे.

अजित पवार गटाने काय युक्तिवाद केला ?

• आमच्याकडे दीड लाखापेक्षा जास्त शपथपत्र

• प्रत्येक कार्यकर्त्याची मोजणी शक्य नाही

• राष्ट्रवादी काँग्रेस पक्षात अंतर्गत लोकशाहीचा अभाव

• अजित पवार गटाकडून शिवसेनेच्या केसचा दाखला

• शरद पवार आपल्या घराप्रमाणे पक्ष चालवत होते, असा आरोप अजित पवार गटाकडून कऱण्यात आला

• अजित पवारांची निवड योग्याच, अजित पवार गटाचा युक्तिवाद

• शरद पवारांनी सर्व नियम पायदळी तुडवले, अजित पवार गटाचा युक्तिवाद

• राष्ट्रवादीचे कार्याध्यक्ष प्रफुल्ल पटेल हे आमच्यासोबत (अजित पवार गट) आहेत. पटेलांच्या सहीनेच नवीन नियुक्त्या करण्यात आल्याचा अजित पवार गटाचा दावा

• अजित पवार गटाकडून पुन्हा एकदा आमदारांच्या संख्येचा दाखला निवडणूक आयोगात देण्यात आला.

दरम्यान, शुक्रवारी झालेल्या सुनावणीत शरद पवार गटाने पक्षाचे चिन्ह घड्याळ हे गोठवू नये, अशी मागणी आयोगाकडे केली होती. त्यामुळे आता आजच्या सुनावणीत दोन्ही गट काय बाजू मांडतात, हे पाहणे महत्त्वाचे असणार आहे.