Sanjay Raut : PM मोदींच्या दबावामुळे माजी सरन्यायाधीशांनी निर्णय दिला नाही; राऊतांकडून चंद्रचूड यांच्याबाबत 'ही' मोठी मागणी

Mumbai News : शिवसेना उद्धव बाळासाहेब ठाकरे पक्षाचे नेते खासदार संजय राऊत यांनी सर्वोच्च न्यायालयाचे माजी सरन्यायाधीश धनंजय चंद्रचूड यांच्यावर मोठा आरोप करत खळबळ उडवून दिली.

"सर्वोच्च न्यायालयाचे माजी सरन्यायाधीश धनंजय चंद्रचूड यांनी पंतप्रधान नरेंद्र मोदी यांच्या दबावाखाली आमदार अपात्रतेचा निर्णय दिला नाही. चंद्रचूड यांच्यावर खटला दाखल केला पाहिजे", अशी मागणी राऊत यांनी केली.

शिवसेनायुबीटी पक्षाचे नेते खासदार संजय राऊत यांनी सकाळी माध्यमांशी संवाद साधताना, भाजप महायुतीवर (Mahayuti) जोरदार टीका केली. तसेच सर्वोच्च न्यायालयाचे माजी सरन्यायाधीश धनंजय चंद्रचूड यांच्यावर गंभीर आरोप करत, त्यांच्याविरोधात खटला दाखल करण्याची मागणी केली.

संजय राऊत (Sanjay Raut) म्हणाले, "दहाव्या शेड्युलनुसार ज्यापद्धतीने आमदार फोडले, ते अपात्र ठरायला पाहिजे होते. सर्वोच्च न्यायालयाचे माजी सरन्यायाधीश धनंजय चंद्रचूड यांनी पंतप्रधान नरेंद्र मोदींच्या दबावाखाली तसा निर्णय दिलेला नाही". त्यामुळे चंद्रचूड यांच्यावर खटला दाखल केला पाहिजे. तशी आमची मागणी आहे, असे संजय राऊत यांनी म्हटले.

"पंतप्रधान नरेंद्र मोदी ज्यापद्धतीने राज्य चालवत आहे, ते संविधानाच्या विरोधात आहे. संविधान देशाचा आधार असून, तो नरेंद्र मोदी उद्धवस्त करत आहेत. मोदी देशाला लाभलेले 65 वर्षांतील असत्य बोलणारे सगळ्या महान पंतप्रधान लाभलेले आहेत. गौतम अदानी नरेंद्र मोदींचीा नवीन संविधानकर्ता आहे ", असा टोला देखील राऊतांनी लगावला.

बॅलेट पेपरवर निवडणुका घेण्याची हिंमत दाखवावी

"इंदिरा गांधी यांनी 1975 मध्ये आणीबाणी लावली होती. हा निर्णय त्यांनी जाहीरपणे घेतला होता. यात अनेकांना तुरुंगात जावे लागले होते. यातून नरेंद्र मोदी यांनी धडा घेतला पाहिजे. नागरिकांचे हक्का संपुष्टात आणताल, तर त्यांचा उद्रेक होईल. आणीबाणीनंतर इंदिरा गांधी यांनी बॅलेट पेपरवर निवडणुका घेतल्या होत्या. त्यात त्यांचा पराभव झाला. तो त्यांनी स्वीकारला. मोदींनी इंदिरा गांधींप्रमाणे बॅलेट पेपरवर निवडणुका घ्याव्यात", असे आव्हान राऊतांनी मोदींना दिले.