Medical Colleges Derecognition: केंद्र सरकारची धडक कारवाई; 40 वैद्यकीय महाविद्यालयांची मान्यता रद्द, तर 150 रडारवर..

Central Government On Medical Colleges Recognition: देशभरातील मेडीकल महाविद्यालयांवर केंद्र सरकारच्या (Central Government) रडारवर आहेत. यासंदर्भात मोठी कारवाई करण्यात येत आहे. केंद्र सरकारने या कारवाईत तब्बल 40 वैद्यकीय महाविद्यालयांनी मान्यता रद्द केली आहे. इतकेच नाही तर आणखीही 150 वैद्यकीय महाविद्यालयांवर देखरेखेखाली घेऊन त्यांच्यावर वचक ठेवण्यात येणार आहे. यामुळे या महाविद्यालयांवरही कारवाईची टांगती तलवार असणार आहे.

संबंधित या वैद्यकिय महाविद्यालयांमध्ये काही अनियमितता व व्यवस्थापनात त्रुटी आढळून आल्याने, केंद्र सरकारकडून कारवाईचा धडाका सुरू केलेला आहे. राष्ट्रीय वैद्यकीय समिती यूजी बोर्डाकूडून (UG Bord) ही तपासणी करण्यात आली होती. या प्रक्रियेनंतर 40 वैद्यकीय महाविद्यालायांची मान्यता रद्दबातल करण्यात आली. या महाविद्यालायातील सीसीटीव्ही कॅमेरे (CCTV), आधार-लिंक्ड बायोमेट्रीक (Adhaar Link) उपस्थिती विभाग भूमिका यात काही त्रुटी आढळल्याने, ही मोठी कारवाई केलेली आहे.

या राज्यातील महाविद्यालायांची मान्याता रद्द :

सरकारने एकूण 40 वैद्यकीय महाविद्यालायांची मान्यता रद्द करण्यात आली. गुजरात, आसाम, पुद्दुचेरी, तामिळनाडू, पंजाब, आंध्र प्रदेश, त्रिपुरा आणि पश्चिम बंगाल या राज्यांतील महाविद्यालयांचा यात समावेश आहे. तसेच, इतरही 150 महाविद्यालायांवरही सरकारची करडी नजर असणार आहे. या ही महाविद्यालयात अनियमितता त्या त्रुटी आढळल्यास त्यांच्यावरही होण्याची दाट शक्यता आहे.

ही कारवाई झाली असली तरी, या वैद्यकीय महाविद्यालयांना या कारवाईविरोधात दाद मागण्याचा, अपील करण्याचा देखील पर्याय उपलब्ध आहे. राष्ट्रीय वैद्यकीय आयोगाकडे महाविद्यालये दाद मागू शकतात. असे असले तरी संबंधित महाविद्यालयातील विद्यार्थ्यांसंदर्भात सरकारकडून कोणतीही माहिती देण्यात आलेली नाही.