तेलंगणात टीआरएसने भाजपला चारली धूळ; केसीआर यांनी गड राखला

Assembly by-election results : देशातील सात मतदारसंघात विधानसभा पोट निवडणूक झाली. त्याचा निकाल आज (ता. ६) जाहीर झाला आहे. यामध्ये बिहारमधील गोपालगंज, मुंबईतील अंधेरी पूर्व, हरियाणातील आदमपूर, तेलंगणातील मुनुगोडे, मध्यप्रदेशातील गोकरनाथ आणि ओडिशातील धामनगर मतदारसंघाच्या विधानसभा पोटनिवडणुकींचा समावेश आहे.

बिहारमधील मोकामा मतदारसंघात आरजेडीच्या उमेदवार नीलम देवी विजयी झाल्या आहेत. तर गोपालगंजमधून भाजपचा उमेदवार विजयी झाला आहे. उत्तर प्रदेशमध्ये पुन्हा एकदा भाजपचे (BJP) उमेदवार गोला यांनी गोकर्णनाथ मतदारसंघातून निवडणूक जिंकली आहे. हरियाणाच्या आदमपूर मतदारसंघातून भाजपचे उमेदवार बिश्नोई विजयी झाले आहेत. ओडिशातील धामनगर मतदारसंघातून भाजपचे उमेदवार सूर्यवंशी सूरज आघाडीवर आहेत.

मात्र, या सर्व निवडणुकीमध्ये सर्वाधिच चर्चा झाली ती तेलंगणातील (Telangana). येथे मुनुगोडे विधानसभा पोटनिवडणुकीत एकूण 2 लाख 41 हजार 805 मतदारांपैकी 93 टक्क्यांहून अधिक मतदान झाले होते. या निवडणुकीत भाजप आणि टीआरएसमध्ये (TRS) चांगलीच टक्का पाह्यला मिळाली. या अटितटीच्या निवडणुकीमध्ये तेलंगणा केसीआर यांचा टीआरएस पक्षाला विजय मिळालाआहे.

टीआरएसचे उमेदवार पहिल्या फेरीपासून 4000 पेक्षा जास्त मतांनी आघाडीवर होते. शेवटच्या फेरीपर्यंत अत्यंत भाजप आणि टीआरएसमध्ये जोरदार चुरस निर्माण झाली होती. शेवटी टीआरएसने या निवडणुकीत बाजी मारली आहे. असे वृत्त एनडीटीव्हीने दिले आहे.