Bhagwant Mann: दिल्लीत मुख्यमंत्र्यांच्या घरावर छापा; काय आहे कारण

Bhagwant Mann House Raid: पंजाबचे मुख्यमंत्री भगवंत मान यांच्या दिल्ली येथील सरकारी निवासस्थानावर निवडणूक आयोगाने छापा टाकला आहे.

कपूथला येथील भगवंत मान यांच्या घरी निवडणूक आयोगाचे पथक दाखल झाले आहे. त्यांनी काही महत्वाच्या कागदपत्रांची तपासणी केली. दिल्ली विधानसभेची रणधुमाळी सुरु आहे. मुख्यमंत्री भगवंत मान हे आम आदमी पार्टीचे स्टार प्रचारक आहेत.

दिल्लीतील सत्ताधारी आम आदमी पक्षाच्या मुख्यमंत्र्यांच्या घरी निवडणूक आयोगान छापा टाकल्याने दिल्लीतील राजकीय वातावरण तापलं आहे. आपच्या नेत्यांनी त्यावर नाराजी व्यक्त केली आहे. दिल्लीच्या मुख्यमंत्री आतिशी यांनी सोशल मीडियावर एक पोस्ट शेअर केली आहे.

निवडणूक कालावधीत आलेल्या तक्रारी सोडवण्यासाठी निवडणूक आयोगाकडून स्वतंत्र पथकाची नेमणूक केली जाते. हे पथक तक्रारीची दखल घेत कारवाई करते. या पथकात निवडणूक आयोगाचे अनेक वरिष्ठ अधिकारी असतात.भगवंत मान यांच्या घरी छापा टाकण्याचे कारण अद्याप स्पष्ट झालेले नाही.