Kolhapur : मला पाडणारा जन्माला यायचा आहे...मुश्रीफांचे समरजीतसिंहांना आव्हान

कोल्हापूर : कागल विधानसभा मतदारसंघात आरोप प्रत्यारोपांच्या फैरी थांबता थांबेनात. मला पाडणारा अजून जन्माला यायचा आहे, असे आव्हान राष्ट्रवादी काँग्रेसचे नेते हसन मुश्रीफ यांनी समरजितसिंह घाटगे यांना दिले आहे. घाटगे यांनी हसन मुश्रीफ यांना पराभूत करूनच आमदार होणार असल्याच वक्तव्य केले होतं. त्यावर मुश्रीफ यांनी ही प्रतिक्रिया दिली.

समरजितसिंह घाटगे यांच्या पत्नी नवोदिता घाटगे यांचा हसन मुश्रीफ यांचे कार्यकर्ते प्रकाश गाडेकर यांनी एकेरी उल्लेख केल्याच्या विरोधात आज कागलमध्ये मोर्चा काढून निषेध करण्यात आला. मुश्रीफ यांच्या विरोधात जोरदार घोषणाबाजी करून प्रकाश गाडेकर यांचा पुतळा जाळण्यात आला. या मोर्च्यात हसन मुश्रीफ यांनी माफी मागावी, अशी मागणी केली.

त्यामुळे कागलमधील राजकीय वातावरण तापलं आहे. त्याबाबत मुश्रीफ यांनी आम्ही महिलांचा आदरच करतो. आम्ही अस काही बोललो नाही, समरजितसिंह घाटगे अपरिपक्व आहेत ते अशा गोष्टींच राजकारण करत आहेत, अशी टीका त्यांनी केली.