Mumbai News : आगामी काळात होत असलेल्या मुंबई महापालिका निवडणुकीच्या पार्श्वभूमीवर राजकीय घडामोडीना आता चांगलाच वेग आला आहे. त्यामुळे गेल्या काही दिवसापासून राज्यातील वातावरण चांगलेच तापले आहे. त्यातच गुरुवारी मध्य प्रदेशचे माजी मुख्यमंत्री दिग्विजय सिंह यांनी मुंबईतील भेटीदरम्यान मातोश्रीवर जाऊन माजी मुख्यमंत्री उद्धव ठाकरे यांची भेट घेतली. त्यामुळे महापालिका निवडणुकीविषयी थांबलेल्या चर्चा पुन्हा एकदा सुरु झाल्या आहेत. त्याता आता मनसेचे प्रमुख राज ठाकरे गुरुवारी दुपारी दिल्लीला रवाना हॊणार आहेत. ते नातेवाइकाच्या लग्न सोहळ्याच्या निमित्ताने दिल्लीला जात असेल तरी दोन दिवसात कोणकोणत्या नेत्यांची भेट घेणार याची उत्सुकता शिगेला पोहचली आहे.
मनसे प्रमुख राज ठाकरे हे गुरुवारी दुपारी दिल्लीला जाणार आहेत. त्यांचा दिल्ली दौरा निश्चित झाला असून या दौऱ्याची तारीखही ठरली आहे. गुरुवार व शुक्रवार दोन दिवस ते दिल्लीतच असणार आहेत, अशी माहिती मिळत आहे. राज ठाकरे हे सहकुटुंब दिल्लीला जात असून येत्या काळात या दिल्ली दौऱ्यादरम्यान त्यांची कोणकोणत्या नेत्यांची भेट घेणार याविषयी उत्सुकता लागली आहे.
एकीकडे गुरुवारी काँग्रेसचे नेते आणि माजी मंत्री दिग्विजय सिंह हे मुंबईत आले असून त्यांनी शिवसेना उद्धव बाळासाहेब ठाकरे पक्षाचे अध्यक्ष उद्धव ठाकरे (Uddhav Thackeray) यांची भेट मातोश्री या निवासस्थानी पोहोचले आहेत. स्थानिक स्वराज्य संस्था निवडणुकीसाठी शिवसेना आणि मनसेने युती करायचे जवळपास निश्चित केल्याचे दिसते आहे. मात्र, मनसेला महाविकास आघाडीमध्ये घेण्यास काँग्रेसचा विरोध आहे. त्यामुळे या विषयवर या दोन नेत्यांमध्ये काय चर्चा झाली असणार याबाबत उत्सुकता आहे.
राज ठाकरे गुरुवारी दुपारी दिल्लीसाठी निघणार असून ते सहकुटुंब दिल्लीला जाणार आहेत. अमित ठाकरे यांच्या पत्नी मिताली ठाकरे यांच्या भावाचे म्हणजेच डॉ. राहुल बोरुडे याचे लग्न ठरले आहे. हा विवाहसोहळा दिल्लीत आयोजित करण्यात आला आहे. या विवाहसोहळ्यासाठी राज ठाकरे दिल्लीला जाणार असल्याची माहिती मिळते आहे. 5 डिसेंबरला राहुल बोरूडे यांचे लग्न आहे. त्या विवाह सोहळ्यास उपस्थित राहणार आहेत.
काँग्रेसने (Congress) मुंबई महापालिका निवडणूक स्वबळावर लढावी, असे महाराष्ट्रातील काँग्रेस नेत्यांचे मत आहे. या पार्श्वभूमीवर ही भेट महत्त्वाची मानली जात आहे. दिग्विजय सिंह हे नेमके कुठल्या कारणासाठी उद्धव ठाकरेंना भेटण्यासाठी आले आहे, हे अद्याप कळू शकलेले नाही. मात्र, दुसरीकडे राज ठाकरेंच्या भेटीचे काय कारण? याची उत्सुकता लागून राहिली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.