Anjali Damania News : मंत्री धनंजय मुंडे यांना दोन मिनटे देखील बोलता येत नाही. त्यांना दुर्मिळ बेल्स पाल्सी या आजाराचे निदान झाल्याचे स्पष्ट झाले आहे. मुंडे यांनी त्यांच्या सोशल मीडियातून ही माहिती दिली आहे. मुंडे हे मागील दोन महिन्यांपासून विरोधकांच्या निशाण्यावर आहे. सामजिक कार्यकर्त्या अंजली दमानिया यांनी मुंडेंच्या राजीनाम्याची मागणी केली आहे. मात्र, मुंडे यांना बेल्स पाल्सी आजाराची झाल्याचे कळल्यानंतर दमानिया यांनी ट्विट करत त्यांना बरे होण्यासाठी शुभेच्छा दिल्या
अंजली दमानिया यांनी ट्विटमध्ये म्हटले आहे की, धनंजय मुंडे यांना बेल्स पाल्सी झाल्याचे कळले. कोणालाच कधी आजार होऊ नये. ते लवकर बरे व्हावे या साठी शुभेच्छा. बेल्स पाल्सी हा कधी स्ट्रेसमुळे व कधी नागीणची साइड रिएक्शन म्हणून होतो. ते लवकर म्हणजे ४ आठवड्यात ठीक होतीलच. (हा माझा विषय आहे म्हणून मी म्हणत आहे).
अंजली दमानिया यांनी आपल्या ट्विटमध्ये पुढे म्हटले आहे की, माझी लढाई त्यांच्या वृत्ती विरुद्ध आहे, त्यांच्या दहशती विरुद्ध आहे, त्यांच्या भ्रष्टाचारा विरुद्ध आहे. ती चालू राहीलच पण त्यांना तब्येतीसाठी शुभेच्छा.
सुरेश धस यांनी देखील आज (गुरुवारी) पत्रकार परिषद घेत धनंजय मुंडे यांच्यावर कृषी साहित्याच्या खरेदीमध्ये 300 कोटींचा घोटाळा केल्याचे आरोप केले. तसेच आरोपांचे पुरावे आपल्याकडे असून धनंजय मुंडेंनी आपल्यावर मानहानीचा दावा दाखल केला तरी आपण घाबरणार नसल्याचे धस यांनी ठणकावून सांगितले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.