भाजप आमदार गोपीचंद पडळकर यांनी जयंत पाटलांवर वादग्रस्त विधान केले.
बदलापुरात राष्ट्रवादी शरद पवार पक्षाने या विधानाचा तीव्र निषेध केला.
अविनाश देशमुख यांनी पडळकरांची जीभ छाटणाऱ्यास पाच लाख रुपयांचे बक्षीस जाहीर केले.
Badalapur News : भाजपचे आमदार गोपीचंद पडळकर यांनी राष्ट्रवादी काँग्रेस शरदचंद्र पवार पक्षाचे आमदार जयंत पाटील यांच्यावर वादग्रस्त विधान केलं होतं. त्यामुळे राज्यभर संताप व्यक्त केला जात आहे. यादरम्यान आज (20 सप्टेंबर) बदलापुरात देखील पडळकर यांच्या वक्तव्याचा निषेध करण्यात आला. यावेळी राष्ट्रवादीच्या कार्यकर्त्यांनी जयंत पाटील यांच्या प्रतिमेला दुग्धाभिषेक करत पडळकर यांच्या विरोधात जोरदार घोषणाबाजी केली. तर पक्षाचे प्रदेश सरचिटणीस अविनाश देशमुख यांनी पडळकर यांची जीभ छाटणाऱ्याला पाच लाखांचं रोख बक्षीस देऊ अशी घोषणा केली आहे. यामुळे आता राज्यात नव्या वादाला तोंड फुटण्याची शक्यता आहे.
पडळकर यांनी जयंत पाटील यांच्याविरोधात टीका करताना त्यांची जीभ घसरली. त्यांनी अत्यंत खालच्या शब्दात टीका केल्याने आता राज्यभरात याचे पडसाद उमटले आहेत. बदलापुरातही राष्ट्रवादी शरद पवार पक्षाच्या कार्यकर्त्यांनी पडळकर यांच्या प्रतिमेला जोडे मारो आंदोलन केले. यावेळी जोरदार घोषणाबाजी करण्यात आली.
या आंदोलनात राष्ट्रवादीचे कार्यकर्ते मोठ्या संख्येनं सहभागी झाले होते. यावेळी पडळकर यांच्या निषेधाचे पोस्टर्सही दाखवण्यात आले. तसेच पडळकरांविरोधात जोरदार घोषणाबाजी करत जयंत पाटील यांच्या प्रतिमेला दुग्धाभिषेक करण्यात आला.
यादरम्यान पडळकर यांची जीभ छाटणाऱ्याला पाच लाखांचं रोख बक्षीस देऊ अशी घोषणा, राष्ट्रवादीचे प्रदेश सरचिटणीस देशमुख यांनी केलीय. पडळकर यांनी जयंत पाटील यांच्यावर अत्यंत खालच्या शब्दात टीका केल्यामुळे राज्यभरात याचे पडसाद उमटले आहेत.
दरम्यान पडळकर यांनी केलेल्या विधानाचे कधीच समर्थन करणार नाही, असे स्पष्टीकरण मुख्यमंत्री देवेंद्र फडणवीस यांनी दिले आहे. तसेच त्यांनी, कोणाच्याही वडिलांबद्दल किंवा कुटुंबांबद्दल विधान करणे योग्य नाही. आक्रमकपणे बोलताना शब्दाचा अर्थ काय होईल याचा विचार करून पडळकरांनी बोलावं अशा शब्दात समज दिली आहे. ज्यानंतर पडळकर नरमल्याचेही बोलले जात आहे.
1. पडळकरांनी कोणावर वादग्रस्त विधान केले?
राष्ट्रवादी शरद पवार पक्षाचे आमदार जयंत पाटील यांच्यावर.
2. निषेध कोठे करण्यात आला?
बदलापुरात.
3. निषेधाचे नेतृत्व कोणी केले?
पक्षाचे प्रदेश सरचिटणीस अविनाश देशमुख.
4. अविनाश देशमुखांनी काय घोषणा केली?
पडळकरांची जीभ छाटणाऱ्यास पाच लाख रुपयांचे बक्षीस.
5. या प्रकरणामुळे काय वातावरण निर्माण झाले आहे?
राजकीय तणाव वाढला असून भाजप-राष्ट्रवादी संघर्ष अधिक तीव्र झाला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.